ເຮັ ດບຸ ນຄັ້ ງຍິ່ງໃ ຫຍ່ ອ ະດີດນ າຍທຶນເງິ ນ ກູ້ ຄື ນໃ ບຕາດິ ນໃຫ້ລູ ກໜີ້ 15 ຄົນ

    0
    93

    ເຮັດບຸນຄັ້ງຍິ່ງໃຫຍ່ ອະດີດນາຍທຶນເງິນກູ້ ຄືນໃບຕາດິນໃຫ້ລູກໜີ້ 15 ຄົນ

    ຂໍຊື່ນຊົມເຈົ້າໜີ້ໃຈບຸນ ເອີ້ນໄດ້ວ່າເປັນອີກໜຶ່ງເລື່ອງຂອງປະເທດໄທ ທີ່ສ້າງຄວາມປະທັບໃຈເປັນຈຳນວນຫຼວງຫຼາຍ ເມື່ອວັນທີ 11 ມັງກອນ ທີ່ຜ່ານມາໄດ້ມີຜູ້ສື່ຂ່າວລາຍງານວ່າ ທ້າວ ນະພົນ ໃບເງິນ ທະນາຍຄວາມຂອງ ນາງ ສຸພິດຊາ ອະພິຊັດໂພຄິນ ຫຼື ເຈ໊ສຸ

    ອະດີດນາຍທຶນເງິນກູ້ນອກລະບົບ ໄດ້ສົ່ງມອບຄືນໃບຕາດິນໃຫ້ແກ່ລູກໜີ້ 15 ຄົນ ມີບາງຄົນກໍ່ຄ້າງຊຳລະໜີ້ນານເຖິງ 10 ປີ ບາງຄົນຈ່າຍແຕ່ເງິນຕົ້ນ ບາງຄົນບໍ່ເຄີຍໃຊ້ໜີ້ແມ່ນແຕ່ບາດດຽວ ບາງຄົນເຈັບປ່ວຍຈຶ່ງບໍ່ສາມາດຫາເງິນມາໃຊ້ໜີ້ຄືນໄດ້ ພໍ່ຕູ້ ປັນ ສີວໍລະສານ ອາຍຸ 87 ປີ ລູກໜີ້ຂອງ ເຈ໊ສຸ ເປີດເຜີຍວ່າ ຕົນກູ້ເງິນເຈ໊ສຸມາເມື່ອປີ 2012 ຈຳນວນ 250,000ບາດ

    ແຕ່ບໍ່ເຄີຍໃຊ້ໜີ້ເລີຍແມ່ນແຕ່ບາດດຽວ ເພາະຫາເງິນມາໃຊ້ບໍ່ໄດ້ ຕໍ່ມາມີທະນາຍຄວາມມາສືບຖາມ ເຫັນສະພາບຄວາມເປັນຢູ່ແລ້ວຄາດວ່າຕົນຄືຈະບໍ່ມີທາງຫາເງິນມາຈ່າຍໄດ້ ເຈ໊ສຸຈຶ່ງຕັດສິນໃຈຍົກໜີ້ໃຫ້ທັງໝົດ
    ສ່ວນທ້າວ ມະນັດ ເສີມສັກສີ ລູກໜີ້ອີກຄົນເລົ່າວ່າຕົນກູ້ເງິນໄປຈຳນວນ 2 ແສນບາດ

    ສົ່ງໄປໄດ້ພຽງ 1 ແສນບາດ ຈຳເປັນຕ້ອງຫຍຸດຊຳລະເພາະແມ່ລົ້ມປ່ວຍຕົນຈຶ່ງເຂົ້າໄປໂອ້ລົມກັບ ເຈ໊ສຸ ເຈລະຈາປະນອມໜີ້ ແຕ່ເມື່ອ ເຈ໊ສຸ ຮັບຮູ້ເຖິງພາລະທີ່ຕົນແບກຮັບໄວ້ຈຶ່ງຍົກໜີ້ສ່ວນທີ່ເຫຼືອໃຫ້ທັງໝົດ ຕົນບໍ່ຄິດວ່າ ເຈ໊ສຸ ຈະມີເມດຕາຫຼວງຫຼາຍຂະໜາດນີ້
    ທາງດ້ານ ເຈ໊ສຸ ເປີດເຜີຍວ່າ ຕົນຮູ້ສຶກສົົງສານໃນຊະຕາກຳຂອງລູກໜີ້ 15 ຄົນ

    ເນື່ອງຈາກລ້ວນແລ້ວມີບັນຫາດ້ານເສດຖະກິດ ແລະ ຄວາມເຈັບປ່ວຍຂອງຄົນໃນຄອບຄົວ ປະກອບກັບທີ່ຕົນສວດມົນໄຫວ້ພຣະ ຟັງທຳ ແລ້ວພົບວ່າການຊ່ວຍເຫຼືອມະນຸດໃນຍາມຕົກທຸກໄດ້ຍາກເປັນບຸນກຸສົນອັນຍິ່ງໃຫຍ່ ຕົນຈຶ່ງຍົກໜີ້ທີ່ລວມໆກັນແລ້ວບໍ່ຕ່ຳກ່ວາ 5 ລ້ານບາດ ໃຫ້ແກ່ລູກໜີ້ທັງໝົດ

    ການເປັນຜູ້ໃຫ້ ຖືວ່າຍິ່ງໃຫຍ່ທີ່ສຸດແລ້ວ ຜູ້ໃຫ້ຍ່ອມເປັນທີ່ຮັກຂອງຜູ້ອື່ນ ຜູ້ໃຫ້ຍ່ອມມີຄວາມສະຫງ່າງາມ ມີຄວາມສຸກທີ່ໄດ້ເປັນຜູ້ໃຫ້ ສ່ຳນີ້ກໍ່ສຸກໃຈພໍແລ້ວ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.