ດ່ວນໆ! ບໍລິສັດລົດໄຟລາວ-ຈີນ ຍັງບໍ່ໄດ້ອະນຸຍາດໃຫ້ໜ່ວຍງານ ຫຼື ບຸກຄົນໃດເປັນຕົວແທນຂາຍປີ້ລົດໄຟເທື່ອ

    0
    73

    ເນື່ອງຈາກລົດໄຟລາວຈີນໄດ້ຮັບຄວາມນິຍົມ ແລະ ເປັນກະແສກັນຕ່າງໆນາໆ ຍິ່ງເລື່ອງປີ້ລົດໄຟຖືວ່າສິ່ງທີ່ສັງຄົມໃຫ້ຄວາມສົນໃຈ ແລະຫວ່າງບໍ່ດົນມານີ້ ທາງສື່ອອນລາຍໄດ້ເຜີຍແຜ່ຂໍ້ມູນກ່ຽວກັບວ່າ ທາງລົດໄຟລາວຈີນໄດ້ເປີດໃຫ້ບັນດາບໍລິສັດສາມາດຂາຍປີ້ໄດ້

    ຫຼ້າສຸດທາງເພຈ໌ Laos – China Railway Company Limited ໂພສ ຢ່າຫຼົງເຊື່ອຂ່າວປອມ!

    ບໍລິສັດທາງລົດໄຟລາວ-ຈີນ ຂໍແຈ້ງມາຍັງທ່ານຊາບວ່າ ປະຈຸບັນ, ບໍລິສັດລົດໄຟລາວ-ຈີນ ບໍ່ໄດ້ອະນຸຍາດໃຫ້ໜ່ວຍງານ ຫຼື ບຸກຄົນໃດເປັນຕົວແທນຂາຍປີ້ລົດໄຟ, ຂໍ້ມູນທີ່ເອົາມາອ້າງວ່າຕົນເປັນຕົວແທນຂາຍປີ້ ແລະ ລາຄາປີ້ຕ່າງໆທີ່ໂພສໃນເຟສບຸກ ຫຼື ສື່ສັງຄົມອອນລາຍອື່ນໆ ແມ່ນຕ່າງກໍບໍ່ທັນໄດ້ຮັບອະນຸຍາດຈາກບໍລິສັດທັງໝົດ, ເຊິ່ງຖືວ່າເປັນການກະທຳທີ່ຜິດຕໍ່ລະບຽບກົດໝາຍ.

    ຂໍຄວາມຊ່ວຍເຫຼືອນຳໝູ່ເພື່ອນ ແລະ ພີ່ນ້ອງປະຊາຊົນທຸກໆຄົນຊ່ວຍແຊກັນຕໍ່ໆ, ຮ່ວມກັນຢຸດຕິການຂາຍປີ້ທີ່ບໍ່ຖືກຕ້ອງນີ້, ພ້ອມທັງຂໍໃຫ້ທຸກຄົນຊື້ປີ້ຜ່ານຊ່ອງທາງທີ່ຖືກຕ້ອງຢູ່ທຸກສະຖານີເທົ່ານັ້ນ ເພື່ອເປັນການປ້ອງກັນບໍ່ໃຫ້ຖືກຕ໋ວະ.

    ພ້ອມດຽວກັນນີ້, ບໍລິສັດທາງລົດໄຟລາວ-ຈີນ ຈະເພີ່ມທະວີການຮ່ວມມືກັບບັນດາກະຊວງກົມກອງຂອງລັດຖະບານ, ເພື່ອຊຸກຍູ້ການເພີ່ມທະວີການລົງໂທດບັນດາບໍລິສັດ ຫຼື ບຸກຄົນ ທີ່ຂາຍປີ້ຜິດກົດໝາຍ ກໍຄືຜູ້ທີ່ສວຍໂອກາດກັກຕຸນປີ້ໂດຍສານ, ມີນາຍໜ້າຈອງໄວ້ ເພື່ອຂາຍປີ້ເກງກຳໄລ.

    ຖ້າພີ່ນ້ອງປະຊາຊົນພົບເຫັນການກະທຳທີ່ຜິດຕໍ່ກົດໝາຍ ອັນສ້າງຄວາມເສຍຫາຍຕໍ່ພາບພົດຂອງທາງລົດໄຟລາວ-ຈີນ ແລະ ຜົນປະໂຫຍດຂອງປະຊາຊົນ, ຂໍໃຫ້ທຸກຄົນແຈ້ງມາຍັງບໍລິສັດທາງລົດໄຟລາວ-ຈີນ ຫຼື ແຈ້ງເຈົ້າໜ້າທີ່ຕຳຫຼວດໂດຍດ່ວນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.