ລູກຊາຍທໍລະພີຕີແມ່ ແລະ ນ້ອງສາວ ຍ້ອນ ເ ສ ບ ຢ າ ແລ້ວເສຍສະຕິ

    0
    120

    ລູກຊາຍທໍລະພີຕີແມ່ ແລະ ນ້ອງສາວ ຍ້ອນ ເ ສ ບ ຢ າ ແລ້ວເສຍສະຕິ

    ເຈົ້າໜ້າທີ່ ປກສ ກຸ່ມ ສີວິໄລ ເມືອງໄຊທານີ
    ໄດ້ເຂົ້າກັກຕົວເປົ້າໝາຍທຳຮ້າຍຮ່າງກາຍ ໄດ້ 1 ຄົນ ຊື່ ທ້າວ ຄຳຮູ້ ອາຍຸ 29 ປີ ຫວ່າງງານ ຢູ່ບ້ານຕານມີໄຊ ເມືອງໄຊທານີ ພາຍຫຼັງໄດ້ຮັບແຈ້ງຈາກພົນລະເມືອງດີວ່າ ຜູ້ກ່ຽວໄດ້ມີການອາລະວາດທຳຮ້າຍຮ່າງກາຍຄອບຄົວ ຜູ້ເປັນແມ່ ແລະ ນ້ອງສາວ ຢູ່ບ້ານຕານມີໄຊ ໜ່ວຍ 27.

    ພັທ ແອັດດີ້ ວັນຄໍາ ທອງຄູນ ຫົວໜ້າ ປກສ ກຸ່ມສີວິໄລ ໃຫ້ຮູ້ວ່າ: ຕໍ່ກັບການສອບສວນເບື້ອງຕົ້ນ ຜູ້ກ່ຽວແມ່ນຫາກໍ່ໄດ້ພົ້ນໂທດໃນຂໍ້ຫາ ເ ສ ບ ຢ າ ແລະ ຖືກປ່ອຍຕົວອອກຈາກຄ້າຍຄຸມຂັງ-ດັດສ້າງ ໃນເມື່ອບໍດົນມານີ້.

    ພາຍໃນ 1 ອາທິດຜ່ານມາ ພໍຮອດວັນທີ 23 ທັນວາ 2021 ໃນເວລາ 14:00 ໂມງ ທ້າວ ຄໍາຮູ້ ໄດ້ບັງຄັບໃຫ້ແມ່ຂາຍຄໍາ ແລະ ຊື້ໂທລະສັບໃຫ້ ພາຍຫຼັງໄດ້ໂທລະສັບກໍໄດ້ນຳໄປຈຳແລກເອົາເງິນເພື່ອໄປຊື້ຢ າ ມ າ ເ ສ ບ ແລ້ວຂາດສະຕິ.

    ຈາກນັ້ນ, ຈິ່ງໄດ້ທຳຮ້າຍຮ່າງກາຍຜູ້ເປັນແມ່ ແລະ ນ້ອງສາວຂອງຜູ້ກ່ຽວ ດັ່ງນັ້ນ ຈຶ່ງຖືກເຈົ້າໜ້າທີ່ ກັກຕົວ ແລະສົ່ງມອບໃຫ້ກອງບັນຊາການ ປກສ ເມືອງໄຊທານີ ດຳເນີນຕາມຂັ້ນຕອນຂອງກົດໝາຍ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.