6 ໝາກໄມ້ຊ່ວຍຍ່ອຍອາຫານ ບັນເທົາອາການກົດໄຫຼຍ້ອນ

    0
    183

    1 ໝາກກ້ວຍນ້ຳ ກ້ວຍນ້ຳສຸກມີລິດເຢັນຊ່ວຍຫຼຸດກົດໃນກະເພາະອາຫານ ແຖມຍັງຊ່ວຍຍ່ອຍອາຫານໄດ້ດີ ນອກຈາກນີ້ໝາກກ້ວຍນ້ຳມີລັກສະນະເປັນເມືອກ ຊຶ່ງຊ່ວຍເຄືອບກະເພາະອາຫານ ແລະ ລຳໄສ້. ເປັນການປົກປ້ອງເນື້ອເຍື່ອກະເພາະບໍ່ໃຫ້ລະຄາຍເຄືອງ ຫຼື ເປັນບາດແຜຈາກກົດເກີນໃນກະເພາະໄດ້.

    2 ໝາກແອບເປີ້ນ
    ຄົນທີ່ມີອາການຂອງກົດໄຫຼຍ້ອນຄວນກິນໝາກແອບເປີ້ນຢ່າງນ້ອຍມື້ລະ 1 ໜ່ວຍ ເພາະໝາກແອບເປີ້ນຈະໄປຊ່ວຍບັນເທົາອາການກົດໄຫຼຍ້ອນດ້ວຍສານເພກຕິນ (Pectin)ໃນເປືອກແອບເປີ້ນທີ່ເຮັດໜ້າທີ່ເປັນຢາຫຼຸດກົດແບບທຳມະຊາດ (ຄວນກິນກ່ອນ ຫຼື ຫຼັງອາຫານປະມານ 40 ນາທີ).

    3 ໝາກມັງກອນ
    ເປັນໝາກໄມ້ທີ່ມີແຄລໍລີ່ຕ່ຳ (Calorie) ແລະ ມີເສັ້ນໃຍສູງ ຊ່ວຍໃຫ້ຮູ້ສຶກອີ່ມດົນ ໝາກມັງກອນຍັງຊ່ວຍເພີ່ມປະສິດທິພາບ ແລະ ບຳລຸງລະບົບການຍ່ອຍອາຫານ ຍັງສົ່ງເສີມການຈະເລີນເຕີບໂຕຂອງໂປຼໄບໂອຕິກ (Probiotic) ທີ່ຊ່ວຍໃນການຍ່ອຍອາຫານ ເອີ້ນໄດ້ວ່າເປັນໝາກໄມ້ທີ່ເໝາະສຳລັບຄົນທີ່ມີອາການອາຫານບໍ່ຍ່ອຍ ແຖມຍັງຊ່ວຍດີທ໋ອກລຳໄສ້ໄປໃນຕົວອີກດ້ວຍ.

    4 ໝາກອະໂວກາໂດ
    ອະໂວກາໂດທີ່ອຸດົມໄປດ້ວຍວິຕາມິນ ແລະ ເກືອແຮ່ຕ່າງໆ ແຖມຍັງມີກົດໄຂມັນດີ ຊະນິດບໍ່ອີ່ມຕົວ ຊຶ່ງເປັນຊະນິດດຽວກັນກັບນ້ຳມັນໝາກກອກ ຊ່ວຍຫຼຸດຄໍເລສ໌ເຕີລໍ (Cholesterol) ໃນເລືອດ ແລະ ປ້ອງກັນພະຍາດຫົວໃຈໄດ້. ເຖິງວ່າຄົນທີ່ເປັນກົດໄຫຼຍ້ອນຄວນຫຼີກລ້ຽງອາຫານທີ່ມີໄຂມັນສູງ ແຕ່ຮ່າງກາຍຂອງເຮົາຕ້ອງການໄຂມັນເປັນພະລັງງານ ດັ່ງນັ້ນຄົນເປັນກົດໄຫຼຍ້ອນຈຶ່ງຄວນຮັບໄຂມັນຊະນິດດີຜ່ານຊ່ອງທາງອື່ນເຊັ່ນ: ອະໂວກາໂດ, ແຟລກຊີດ (Flexseed), ນໍ້າມັນໝາກກອກ, ນໍ້າມັນງາ ຫຼື ນໍ້າມັນດອກຕາເວັນຈະດີກວ່າ

    5 ໝາກໂມ
    ເປັນໝາກໄມ້ທີ່ມີນ້ຳປະກອບຢູ່ໃນປະລິມານຫຼາຍ ມີລິດເຢັນ ອຸດົມໄປດ້ວຍວິຕາມິນ ແລະ ແຮ່ທາດເຊັ່ນ: ວິຕາມິນເອ, ວິຕາມິນບີລວມ, ແຄລຊຽມ, ທາດເຫຼັກ, ແມກນີຊຽມ (Megnesium), ໂພແທສ໌ຊຽມ (Potassium), ຟົດສະຟໍຣັສ໌ (Phosphorus). ນອກຈາກນີ້ ໝາກໂມຍັງເໝາະສຳລັບຄົນທີ່ມີອາການກົດໄຫຼຍ້ອນ ເພາະຊ່ວຍໃຫ້ອາການແສບຮ້ອນຈາກກົດ ບັນເທົາລົງ ເປັນໝາກໄມ້ຊ່ວຍຍ່ອຍ ວິທີກິນຄື ກິນໝາກ ໂມກ່ອນ ຫຼື ຫຼັງອາຫານປະມານ 40 ນາທີ.

    6 ໝາກຫຸ່ງສຸກ
    ໝາກຫຸ່ງສຸກມີສານຊ່ວຍຍ່ອຍ (Papain) ໂດຍເປັນສານທີ່ຊ່ວຍຍ່ອຍເນື້ອເຍື່ອໂປຼຕີນໂດຍສະເພາະ ປີ້ງໝູ, ຊາບູ ກິນໝາກຫຸ່ງສຸກຫຼາຍໆ ຊ່ວຍໃຫ້ສະບາຍທ້ອງຂຶ້ນ.
    ນອກຈາກເປັນໝາກໄມ້ທີ່ຊ່ວຍຍ່ອຍອາຫານແລ້ວ ໝາກຫຸ່ງສຸກ ຍັງຊ່ວຍບັນເທົາອາການຂອງພາວະລຳໄສ້ປຸ້ນທ້ອງໄດ້ເຊັ່ນ: ອາການທ້ອງຜູກ, ທ້ອງອືດ, ທ້ອງບວມ ແຕ່ໃນເວລາດຽວກັນກໍ່ຊ່ວຍຖະໜອມອະໄວຍະວະຍ່ອຍອາຫານທີ່ດີ ເປັນໝາກໄມ້ເຄືອບກະເພາະ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.