ແອ່ ໜຸ່ມຕ່າງແຂວງສານຝັນໃນເມືອງໃຫຍ່ ຜູ້ຢູ່ເບື້ອງຫຼັງຄວາມສໍາເລັດຂອງນາງງາມ, ນັກຮ້ອງ ແລະ ນາຍແບບ

    0
    79

    ສໍາລັບສາຍບັນເທີງແລ້ວ ເຊື່ອວ່າສ່ວນໃຫຍ່ຈະຮູ້ຈັກຄົນໆນີ້ແມ່ນໃຜ, ທີ່ຜ່ານມາຄົນນັ້ນຄົນນີ້ປະສົບຜົນສໍາເລັດ ເຊິ່ງຜູ້ຢູ່ເບື້ອງຫຼັງ ຫຼື ຜູ້ສະໜັບສະໜຸນ ຊວ້ານຊູຢູ່ທາງຫຼັງ ແອັດເຊື່ອວ່າມີຫຼາຍໆຄົນອາດບໍ່ຮູ້.


    ມື້ນີ້ຈະມາແນະນໍາ 1 ໜຸ່ມທີ່ເປັນຄົນຕ່າງແຂວງມາສານຝັນໃນເມືອງໃຫຍ່ ຜູ້ຢູ່ເບື້ອງຫຼັງຄວາມສໍາເລັດຂອງ ດາລາ, ນັກຮ້ອງ, ນາງແບບ, ນາຍແບບ ແລະ ນາງງາມ ຢ່າງ ແອ່ ພອນວິໄຊມົງຄົນ ໄຊຍະລາດ.
    ໜຸ່ມແຂວງ ຫຼວງນໍ້າທາ ໃນໄວ 28 ປີ ຜູ້ຢູ່ເບື້ອງໜ້າ ແລະ ເບື້ອງຫຼັງຄວາມສໍາເລັດຂອງສິລະປິນຫຼາຍຄົນ ໂດຍທຸ້ມກາຍ ແລະ ໃຈ ຕໍ່ຍອດຈາກວຽກທີ່ມັກຮັກ ສົ່ງຕໍ່ຄວາມຝັນໃຫ້ນ້ອງໆໃນວົງການບັນເທີງໃຫ້ໄດ້ປະສົບຜົນສໍາເລັດມາຫຼາຍຕໍ່ຫຼາຍຄົນແລ້ວ.
    ໂດຍ ແອ່ໄດ້ບອກວ່າ ແອ່ເອງ ເປັນເກືອບທຸກຢ່າງໃນວົງການບັນເທີງມາແລ້ວບໍ່ຈະເປັນນາຍແບບ, ນັກຮ້ອງ, ເຈົ້າຂອງໂມເດລິງ, ນັກສະແດງ ແລະ ຫຼ້າສຸດຄືຜັນມາຊ່ວຍໃນເວທີກອງໃຫຍ່ຄືໃນນາມຜູ້ຈັດການກອງປະກວດ Miss Universe Laos 2021 ທີ່ ເຈນນີ້ ຕົ້ນຄໍາ ພົນຈັນເຮືອງ ກໍາລັງເປັນຕົວແທນປະເທດໄປປະກວດຢູ່ປັດຈຸບັນ ປະກາດຜົນວັນທີ 13 ທັນວານີ້.
    ແອ່ ຜູ້ຈັດການກອງປະກວດ Miss Teen Laos 2019 – 2021, ເປັນເຈົ້າຂອງ VL Modeling Agency LNT (ເປັນຜູ້ຈັດການ ນ້ອງນັດດາວ, ນ້ອງ ສຸດາລາ ຮອງອັນດັບ 2 Miss World Laos 2021, ໜຸ່ມກີໂຕ້ ນາຍແບບ ຜູ້ເຂົ້າປະກວດ Mister International Laos 2021 ML05 ແລະ ນ້ອງໆ ໃນສັງກັດ ອີກຫຼາຍຄົນ)

    ບອກເລີຍວ່າໜຸ່ມ ແອ່ ເປັນບຸກຄົນສູ້ຊີວິດຕົ້ນແບບ ທີ່ສານຝັນຕົນເອງໃຫ້ປະສົບຜົນສໍາເລັດແລ້ວ ຍັງເປັນຜູ້ທີ່ຊ່ວຍຊຸກຍູ້ຄົນທີ່ມີຄວາມຝັນຄົນອື່ນໆ ໃຫ້ຝັນກາຍເປັນຈິງຄືກັນ.


    ຊາຍໜຸ່ມຄົນນີ້ ບໍ່ເຄີຍປ່ອຍໃຫ້ເວລາ ແລະ ໂອກາດລ່ອງລອຍໄປລ້າໆ ເບີ່ງຈາກສິ່ງທີ່ໜຸ່ມ ແອ່ ເຮັດຢູ່ປັດຈຸບັນນີ້ ບໍ່ວ່າຈະເປັນຜູ້ຈັກການນາງງາມ, ນັກຮ້ອງ, ນາງແບບ ນາຍແບບໃນສັງກັດ ຍັງຮັບຈັດງານ organizer ຕ່າງໆ (ງານດອງ ງານສ້າງສັນຕ່າງໆ), ຮ້ານດອກໄມ້ Air Flower Room ແລະ ຮ້ານເຂົ້າແຫ້ງ ອິນເຕີຫຼວງນໍ້າທາ.
    ແອ່ ຖິ້ມທ້າຍວ່າເປົ້າໝາຍສູງສຸດໃນຊີວິດ ແມ່ນຢາກເຮັດໃຫ້ ຄອບຄົວພູມໃຈໃນຕົວຕົນທີ່ເຮົາເປັນ ແລະ ມີທຸລະກິດເປັນຂອງຕົນເອງສາມາດລ້ຽງຄອບຄົວໃຫ້ມີຄວາມສຸກໄດ້, ເຮັດວຽກໃນວົງການບັນເທີງວຽກທີ່ເຮົາຮັກມັກ ແລະ ຈະພັດທະນາ ນ້ອງໆຜູ້ທີ່ມັກໃນວົງການໄປໃຫ້ໄກເທົ່າທີ່ຈະໄກໄດ້. ສຳລັບໃຜຢາກຕິດຕາມໂມເດລິ້ງໃໝ່ ແລະ ຜົນງານສາມາດສ່ອງເບິ່ງໜຸ່ມຄົນນີ້ໄດ້
    ຈາກ: ແອ່ ພອນວິໄຊມົງຄົນ ໄຊຍະລາດ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.