ກຽມພ້ອມເປີດປະເທດແລ້ວ ລາວເຮົາບໍອາດປິດອີກຕໍ່ໄປ

    0
    139

    ໃນວັນທີ 15 ທັນວາ 2021 ນີ້ລັດຖະບານໄດ້ເປີດກອງປະຊຸມກະກຽມຄວາມພ້ອມເພື່ອຈະເປີດປະເທດໃນໄວໆນີ້ ໂດຍການເປັນປະທານຂອງທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ, ຫົວໜ້າຄະນະຮັບຜິດຊອບການເປີດປະເທດເພື່ອຕ້ອນຮັບນັກທ່ອງທ່ຽວ ອັນສຳຄັນແມ່ນໄດ້ກໍານົດບັນດານິຕິກໍາ, ກໍານົດລາຍລະອຽດ ຂັ້ນຕອນໃນການຈັດຕັ້ງປະຕິບັດ. ເພື່ອສ້າງຄວາມເຊື່ອໝັ້ນໃຫ້ແກ່ນັກທ່ອງທ່ຽວ ເຊິ່ງເປັນປັດໄຈສໍາຄັນຕົ້ນຕໍ ໃນການດຶງດູດນັກທ່ອງທ່ຽວເຂົ້າປະເທດ ໃນສະພາບທີ່ມີການແຜ່ລະບາດຂອງພະຍາດໂຄວິດ-19.

    ຕາມເນື້ອໃນຈິດໃຈຂອງລັດຖະບານແມ່ນໃຫ້ກຳນົດມີເຂດການທ່ອງທ່ຽວສີຂຽວ ໃນບັນດາແຂວງທີ່ມີທ່າແຮງ , ແຕ່ໃນປັດຈຸບັນບັນດາແຂວງເຫລົ່ານັ້ນ ສ່ວນຫລາຍແມ່ນຍັງມີການລະບາດຂອງພະຍາດໂຄວິດ-19 ເປັນຈຳນວນຫຼາຍໂຕເລກຢູ່ແຖວໜ້າມາໂດຍຕະຫຼອດເຊັ່ນ: ນະຄອນຫລວງວຽງຈັນ, ຫລວງພະບາງ, ແຂວງວຽງຈັນ(ວັງວຽງ), ຈໍາປາສັກ.

    ດ້ວຍເຫດນີ້ຈິ່ງຕ້ອງໄດ້ຄົ້ນຄວ້າມາດຕະການປ້ອງກັນໃຫ້ສອດຄ່ອງກັບຄວາມເປັນຈິງຂອງແຕ່ລະແຂວງ ເຊິ່ງອາດຈະບໍໄດ້ເປີດທັງໝົດແຕ່ຈະເປີດເປັນບາງຈຸດ ເພື່ອໃຫ້ນັກທ່ອງທ່ຽວໄດ້ເຄື່ອນໄຫວຕາມລາຍການທີ່ກໍານົດ, ສ່ວນການນໍາໃຊ້ການບໍລິການໂຮງແຮມ, ຮ້ານອາຫານ ແລະ ສະຖານທີ່ທ່ອງທ່ຽວ ກໍ່ໃຫ້ຢູ່ໃນເຂດທີ່ກຳນົດໃນລາຍການເທົ່ານັ້ນ.

    ທັ້ງນີ້ພາກສ່ວນກ່ຽວຂ້ອງ ຕ້ອງສົມທົບກັບພາກທຸລະກິດກະກຽມຄວາມພ້ອມດ້ວຍຄວາມຮັບຜິດຊອບ ແລະ ເປັນເຈົ້າການ ໃນການໂຄສະນາສື່ສານ ໃຫ້ນັກທ່ອງທ່ຽວຮັບຊາບລາຍລະອຽດກ່ອນຈະເຂົ້າມາທ່ອງທ່ຽວ ກໍຄືຂັ້ນຕອນການຂໍອະນຸຍາດວິຊາ ແລະ ຂັ້ນຕອນເຂົ້າເຖິງຂໍ້ມູນຂ່າວສານຕ່າງໆ,


    ສິ່ງສຳຄັນຕ້ອງມີການແນະນໍາໂຄສະນາ, ສ້າງສັນຍາລັກຕ່າງໆ ຢູ່ສະຖານທີ່ບໍລິການທ່ອງທ່ຽວ ແລະ ຂັ້ນຕອນການອໍານວຍຄວາມສະດວກຕ່າງໆ ເພື່ອແຈ້ງລ່ວງໜ້າໃຫ້ນັກທ່ອງທ່ຽວຮັບຊາບກ່ອນເຂົ້າປະເທດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.