ໝົດສະພາບ ທີມຊາດລາວ ສູ້ ກໍາປູເຈຍ ບໍ່ໄດ້ເສຍຂາດລອຍ ພ້ອມຖືກຢໍ້າແຄ້ນ 3 ຄັ້ງລວດໃນຊູຊູກິ ຄັບ

    0
    193

    ເປັນຄວາມຜິດຫວັງຂອງຊາວລາວ ທັງປະເທດຫຼັງຈາກທີ່ ທີມຊາດລາວ ຊຸດໃຫຍ່ຊຸດນີ້ ທີ່ຖືກຄາດຫວັງວ່າຈະເປັນທີມທີ່ດີທີ່ສຸດເທົ່າທີ່ເຄີຍມີມາ ໃນການແຂ່ງຂັນບານເຕະ ເອເອັຟເອັຟ ຊູຊູກິ ຄັບ 2020 ( AFF SUZUKI CUP ) ແຕ່ຜົນງານຕົວຈິງກັບບໍ່ເປັນດັ່ງທີ່ຫວັງ ເສຍທັງ 4 ນັດລວດ ຫຼັງນັດຫຼ້າສຸດເສຍໃຫ້ກັບ ກໍາປູເຈຍ 0-3.

    ກ່ອນໜ້ານີ້ ທີມຊາດລາວ ມີຄວາມຫວັງສູງພໍສົມຄວນທີ່ຈະລ້າງແຄ້ນ ກໍາປູເຈຍ, ແຕ່ໃນການແຂ່ງຂັນຕົວຈິງໃນເວລາ 16:30 ໂມງຂອງວັນທີ 15 ທັນວາ 2021 ປາກົດວ່າ: ທີມຊາດລາວ ຖືກ ກໍາປູເຈຍ ຂຶ້ນນໍາ 2-0 ໃນເຄິ່ງເວລາທໍາອິດຈາກການຍິງຂອງ ຈັນ ວັດທະນາກາ ກອງໜ້າປະສົບສູງຂອງທີມຊາດກໍາປູເຈຍ ແລະ ເຄິ່ງເວລາທໍາອິດກໍາປູເຈຍ ຄອງບານໄດ້ເໜືອກວ່າຊັດເຈນ.

    ເຄິ່ງເວລາທີ 2 ກໍາປູເຈຍ ຮັກສາມາດຕະຖານການຫຼິ້ນ ແລະ ຄອງເກມໄວ້ໄດ້ຢ່າງໜຽວແໜ້ນ, ສ່ວນ ທີມຊາດລາວ ກໍໄດ້ໂອກາດຍິງແຕ່ບໍ່ດີພໍ, ຈົນເຖິງນາທີໆ 74 ທີມຊາດກໍາປູເຈຍ ມາໄດ້ປະຕູຕ໊ອກຢໍ້າໄຊຊະນະ ແລະ ຈົບການແຂ່ງຂັນ ກໍາປູເຈຍ 3-0 ລາວ (ເບິ່ງຄລິບຍິງປະຕູໄດ້ລຸ່ມນີ້)

    [wpcc-iframe loading=”lazy” title=”YouTube video player” src=”https://www.youtube.com/embed/mV3vjXpK4tI” width=”560″ height=”315″ frameborder allowfullscreen=”allowfullscreen”]

    ຈົບການແຂ່ງຂັນ ກໍາປູເຈຍ ເອົາຊະນະ ພ້ອມເກັບ 3 ຄະແນນຈາກ 3 ນັດທໍາອິດຢຶດທີ 4 ຂອງຕາຕະລາງກຸ່ມ B ຕໍ່ໄປ, ສ່ວນ ທີມຊາດລາວ ລົງແຂ່ງຂັນ 4 ນັດບໍ່ມີຈັກຄະແນນຢຶດອັນດັບທີສຸດທ້າຍຂອງຕາຕະລາງ ແລະ ກຽມກັບບ້ານໄວໆນີ້.

    ນອກນັ້ນ ໄຊຊະນະນັດນີ້ຍັງເຮັດໃຫ້ ກໍາປູເຈຍ ຊະນະ ທີມຊາດລາວ ໄດ້ 3 ຄັ້ງຕິດຕໍ່ກັນໃນລາຍນີ້ຄືປີ 2016 ຊະນະລາວ 2-1, ປີ 2018 ຊະນະ ລາວ 3-1 ແລະ ປີ 2020 ຊະນະ ລາວ 3-0, ສ່ວນ ທີມຊາດລາວ ຊະນະ ກໍາປູເຈຍ ໄດ້ພຽງ 1 ຄັ້ງນັບແຕ່ປີ 2000 ໃນລາຍການນີ້ຄືປີ 2004 ຊະນະກໍາປູເຈຍ 2-1.
    ຮູບຈາກ: AFF Suzuki Cup

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.