ອາຍຸພຽງ20ປີ ຢາກເປັນພໍ່ຄ້າລາຍໃຫ່ຍແຕ່ຖືກເຈົ້າໜ້າທີ່ຕັດອານາຄົດກ່ອນ

    0
    168

    ປກສ ເມືອງຫາດຊາຍຟອງ ມ້າງຄະດີ ຢ າ ລ າ ຍໃຫຍ່ໄດ້ ມີເ ຮ ໂ ຣ ອິ ນ 200 ແທ່ງ ແລະ ຢາໄອສ໌ 400 ຖົງ

    ໃນເວລາປະມານ 1:30 ໂມງຂອງວັນທີ 6 ທັນວາ 2021, ເຈົ້າໜ້າທີ່ພະແນກຕໍາຫຼວດ ປກສ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ນໍາກໍາລັງວິຊາສະເພາະບຸກກວດຄົ້ນເຮືອນຂອງທ້າວ ກ໋ອບ ອາຍຸ 20 ປີ ຢູ່ບ້ານຖິ່ນແທ່ນ
    ພາຍຫຼັງໄດ້ຮັບແຈ້ງຈາກພາກສ່ວນທີ່ກ່ຽວຂ້ອງ ໃນນັ້ນ

    ພົບເຫັນຢາ ເ ຮ ໂ ລ ອິນ 200 ແທ່ງ ແລະ ຢ າ ໄອສ໌ 400 ຖົງດ ສ່ວນພວກຮ່ວມຂະບວນການເອົາຕົວລົບໜີ. ພັທ ວຽງທອງ ຜາງພິລະວົງ ຫົວໜ້າກອງບັນຊາການ ປກສ ເມືອງຫາດ ຊາຍຟອງ ເປີດເຜີຍລາຍລະອຽດໃຫ້ຮູ້ວ່າ: ໃນກາງເດືອນພະຈິກ 2021 ໄດ້ຮັບແຈ້ງຈາກພາກສ່ວນທີ່ກ່ຽວຂ້ອງ ວ່າ:

    ມີກຸ່ມຄົນບໍ່ດີເຄື່ອນໄຫວຄ້າຂາຍ-ຂົນສົ່ງ ຢ າ ເ ສ ບ ຕິ ດ ຢູ່ບ້ານຖິ່ນແທ່ນ ເມືອງຫາດຊາຍຟອງຈຶ່ງໄດ້ນໍາກໍາລັງລົງເກັບກໍາຂໍ້ມູນເພື່ອພິສູດແຫຼ່ງຂ່າວ ເຫັນວ່າມີມູນຄວາມຈິງແທ້ພ້ອມທັງປະສານສົມທົບກັບສນ 1191 ປ່າຫວາ ແລະ ສນ 1191 ດົງໂພສີ ລົງມ້າງເປົ້າໝາຍຂົນ-ສົ່ງ ຢ າ ເ ສ ບ ຕິ ດ ດັ່ງກ່າວ

    ໃນນັ້ນ,ສາມາດກັກຕົວຜູ້ຖືກຫາຊື່ ທ້າວ ກ໋ອບ ພ້ອມຂອງກາງ ຢ າ ເ ສ ບ ຕິ ດ ຈໍານວນ 12 ເປົາ ໂດຍມີ ຢ າປະເພດເ ຮ ໂ ລ ອິ ນ ຈໍານວນ 2 ເປົາ ມີ 200 ແທ່ງ, ຢ າ ໄອສ໌ ຈໍານວນ 10 ເປົາ ມີ 400 ຖົງ ແລະ ລົດກະບະ ຍີຫໍ້ວີໂກ້ແຊັມ ສີຂາວ ປ້າຍທະບຽນ ກກ O655 ກໍາແພງນະຄອນ.

    ຜ່ານການສອບສວນທ້າວ ກ໋ອບ ວິພົງໄຊ ໄດ້ໃຫ້ການຮັບສາລະພາບວ່າ: ໃນວັນທີ 5 ທັນວາ ເວລາ 19:00 ໂມງ ທ້າວ ຕໍ້າ ອາຍຸ 34 ປີ ຢູ່ບ້ານຖິ່ນແທ່ນ ໄດ້ໂທລະສັບມາຫາຕົນເອງ ບອກວ່າຈະເອົາ ຢ າຈໍານວນ 12 ເປົາ ໄປຝາກໄວ້ເຮືອນເພື່ອຈະຂົນຂ້າມໄປສົ່ງຝັ່ງໄທ ເຊິ່ງຈຸດຂົນລົງແມ່ນແຄມທ່າຫຼັງເຮືອນຂອງຕົນເອງ ໂດຍຈະໃຫ້ຄ່າຈ້າງ 5.000 ບາດ;

    ເມື່ອຮອດເວລາ 21:00 ໂມງຂອງວັນດຽວກັນ ທ້າວ ຕໍ້າ ຈຶ່ງໄດ້ຂັບຂີ່ລົດກະບະຍີ່ຫໍ້ໂຕໂຍຕ້າວິໂກ້ ສີຂາວ ປ້າຍ ທະບຽນ ກກ 0655 ກໍາແພງນະຄອນ ຂົນ ຢ າມາຫາຢູ່ເຮືອນ ແລະ ໃນເວລາດັ່ງກ່າວ, ກໍເຫັນທ້າວ ເປ້ ອາຍຸ 32 ປີ ຢູ່ບ້ານຖິ່ນແທ່ນ ຂັບຂີ່ລົດຈັກ ເວບ100 ສີຂຽວ ບໍ່ຈື່ປ້າຍທະບຽນ ມານໍາຫຼັງ ເພື່ອພາກັນຂົນ ຢ າ ລົງຈາກລົດຂອງທ້າວ ຕໍ້າ ແລະ ພາຍຫຼັງທີ່ຂົນລົງແລ້ວ ກໍນໍາໄປຊຸກເຊື່ອງໄວ້ຢູ່ຂ້າງຄອກໄກ່ຂ້າງເຮືອນຂອງຕົນ ໂດຍໄດ້ເອົາເຟືອງມາປົກໄວ້ ເພື່ອລໍຖ້າຂົນສົ່ງຂ້າມໄປຝັ່ງໄທ.

    ເມື່ອທີ່ຂົນລົງແລ້ວໆທ້າວ ເປ້ ກໍກັບເມືອເຮືອນ ສ່ວນທ້າວ ຕໍ້າ ແລະ ຕົນເອງ ແມ່ນພາກັນນັ່ງຝີງໄຟຢູ່ຫຼັງເຮືອນດັ່ງກ່າວ ເມື່ອຮອດເວລາປະມານ 2:00 ໂມງຂອງມື້ຕໍ່ມາ ໃນຂະນະທີ່ພວກກ່ຽວກໍາລັງຝີງໄຟເພື່ອລໍຖ້າຂົນ-ສົ່ງ ຢ າຂ້າມໄປສົ່ງຝັ່ງໄທນັ້ນ ຈຶ່ງຖືກເຈົ້າໜ້າທີ່ຕໍາຫຼວດເຂົ້າມາຈັບຕົວທ້າວ ກ໋ອບ ພ້ອມຂອງກາງ ຢ າ ປະເພດເຮໂຣອິນ ຈໍານວນ 2 ເປົາ ມີ 200 ແທ່ງ ແລະ ຢ າ ໄອສ໌ ຈໍານວນ 10 ເປົາ ມີ 400 ຖົງ ສ່ວນທ້າວ ຕໍ້າ ແມ່ນໄດ້ເອົາຕົວລົບໜີ.

    ຄະດີດັ່ງກ່າວ, ເຈົ້າໜ້າທີ່ກໍາລັງດໍາເນີນການປະສານງານເພື່ອຊອກຫາຜູ້ຖືກຫາຈໍານວນສອງຄົນ ທີ່ມີສ່ວນກ່ຽວຂ້ອງໃນຄັ້ງນີ້ ມາດໍາເນີນການສອບສວນໃຫ້ໄດ້ໂດຍໄວ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.