ນັກວິທະຍາສາດເຕືອນ ໃນອະນາຄົດ ພະຍາດລະບາດ ອາດຮຸນແຮງກວ່າໂຄວິດ

    0
    97

    ສຳ​ນັກ​ຂ່າວ​ຕ່າງ​ປ​ະ​ເທດ​ລາຍ​ງານ​ວ່າ ສາດ​ສະ​ດາ​ຈານ ນາງ ຊາ​ຣາ ກີ​ລ​ເບີດ ໜຶ່ງ​ໃນ​ທີມ​ນັກ​ວິ​ໄຈ ສະ​ຖາ​ບັນ​ເຈນ​ເນີ ຂອງ​ມະ​ຫາ​ວິ​ທະ​ຍາ​ໄລ​ອອກ​ສະ​ຟອດ ເຊິ່ງ​ເປັນ​ຜູ້​ພັດ​ທະ​ນາ​ວັກ​ແຊັງ​ຮ່ວມ​ກັບ​ບໍ​ລິ​ສັດ​ແອັ​ສ​ຕ​ຣາ​ເຊ​ເນ​ກ້າ ກ່າວ​ວ່າ: ​ການ​ແຜ່​ລະ​ບາດ​ຂອງ​ພະ​ຍາດໂຄວິດ-19 ​ມາ​ເຖິງ​ຂະ​ນະ​ນີ້ ມີ​ຜູ້​ເສຍ​ຊີ​ວິດ​ທົ່ວ​ໂລກ​ຫຼາຍກວ່າ 5,26 ລ້ານ​ຄົນ ແລະ ໂຄວິດ ຈະ​ບໍ່​ແມ່ນ​ພະ​ຍາດ​ສຸດ​ທ້າຍ​ທີ່​ຄຸກ​ຄາມ​ຊີ​ວິດ​ການ​ເປັນ​ຢູ່​ຂອງ​ມະ​ນຸດ.

    ທ່ານ ກ່າວ​ອີກວ່າ: ພະ​ຍາດ​ລະ​ບາດ​ໃນ​ຮອບ​ຕໍ່​ໄປ​ອາດ​ຈະ “ຮ້າຍ​ແຮງກວ່າ​ນີ້” ເຊື້ອ​ພະ​ຍາດ​ອາດ​ມີ​ຄຸນ​ສົມ​ບັດ​ແຜ່​ກະ​ຈາຍ​ງ່າຍ​ຂຶ້ນ ຫຼື ເປັນ​ອັນ​ຕະ​ລາຍ​ແກ່​ຊີ​ວິດ​ຂອງ​ມະ​ນຸດຫຼາຍກວ່າ​ນີ້ ຫຼື ເປັນ​​ໄປ​ໄດ້ທັງ 2 ຢ່າງ, ປະ​ຊາ​ຄົມ​ໂລກ ຄວນ​ຮ່ວມ​ມື​ກັນ​ກຽມ​ຄວາມ​ພ້ອມໃຫ້​ດີກວ່າ​ນີ້ ເພື່ອ​ຮັບ​ມື​ກັບ​ເຊື້ອ​ໄວ​ຣັ​ສ​ຊະ​ນິດ​ໃໝ່​ທີ່​ອາດ​ຈະ​ເກີດ​ຂຶ້ນໃນ​ອະ​ນາ​ຄົດ.

    ສ່ວນ​ເຊື້ອ​ກາຍ​ພັ​ນ​ໂອ​ໄມ​ຄ​ຣອນ, ສາດ​ສະ​ດາ​ຈານ ກີ​ລ​ເບີດ ກ່າວ​ວ່າ: ມີ​ຄວາມ​ເປັນ​ໄປ​ໄດ້ ທີ່​ວັກ​ຊີນ​ທີ່​ນຳ​ໃຊ້​ໃນ​ປັດ​ຈຸ​ບັນ​ຈະ​ມີ​ປະ​ສິດ​ທິ​ພາບຫຼຸດ​ລົງ ເມື່ອ​ຕ້ອງ​ພົບ​ກັບ​ເຊື້ອ​ໂອ​ໄມ​ຄ​ຣ​ອນ, ສະ​ນັ້ນ ທຸກ​ຄົນ​ຕ້ອງ​ລະ​ມັດ​ລະ​ວັງ​ໃຫ້​ດີ​ທີ່​ສຸດ ຈົນ​ກວ່າ​ຈະ​ມີ​ຂໍ້​ມູນ​ທາງວິ​ທະ​ຍາ​ສາດ​ຢັ້ງ​ຢືນ​ກ່ຽວ​ກັບ​ເຊື້ອ​ກາຍ​ພັນ​ດັ່ງ​ກ່າວ​ນີ້.

    ມາ​ຮອດ​ວັນ​ທີ 5 ທັນ​ວາ 2021 ຢູ່​ສະ​ຫະ​ຣາ​ຊະ​ອາ​ນາ​ຈັກ ມີ​ຜູ້​ຕິດ​ເຊື້ອ​ໂອ​ໄມ​ຄ​ຣອນ​ແລ້ວ 246 ຄົນ, ເພີ່ມ​ຂຶ້ນ 86 ຄົນ ​ເມື່ອ​ທຽບ​ກັບ​ຈຳ​ນວນ 150 ຄົນ​ເມື່ອ​ວັນ​ທີ 4 ທັນ​ວາ ຫຼື ເພີ່ມ​ຂຶ້ນ 50%.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.