​​ເປີດ​ແລ່ນລົດ​ໄຟ​ໂດຍສານ ​ແລະຂົນ​ສົ່ງ​ສິນຄ້າ ​ຖ້ຽວ​ປະຖົມມະ​ລືກ

    0
    113

    ພາຍຫລັງສຳ​ເລັດ​ພິທີ ​ເປີດ​ນຳ​ໃຊ້ລົດ​ໄຟລາ​ວ-ຈີນຂະ​ບວນລ້ານ​ຊ້າງ ​ແລະ ຂະ​ບວນ​ແຄນ​ລາວສຳ​ເລັດຢ່າງ​ເປັນ​ທາງ​ການ​, ທ່ານ ພັນຄຳ ​ວິພາ​ວັນ ນາຍົກລັດຖະມົນຕີ,ພ້ອມ​ດ້ວຍ​ພັນ​ລະ​ຍາ ​ແລະ​ການ​ນຳ​ຂັ້ນ​ສູງ, ອະ​ດີດ​ການ​ນຳ​ຂັ້ນ​ສູງພັກ, ລັດ ​ໄດ້​ໃຫ້​ກຽດຂຶ້ນ​ຂີ່​ລົດ​ໄຟ ຂະບວນລ້ານຊ້າງ ​ຄັ້ງ​ປະຖົມ​ມະ​ລືກເປີດນຳໃຊ້ລົດໄຟ ລາວ-ຈີນ ຢ່າງເປັນທາງການ ໂດຍໄດ້​ເຄື່ອນ​ອອກ​ຈາກ​ສະຖານີ​ລົດ​ໄຟ​ນະຄອນຫລວງ​ວຽງ​ຈັນ ໄປ​ຢ້ຽມ​ຊົມ ສະຖານີ​ລົດ​ໄຟ​ວັງ​ວຽງ ​ແຂວງ​ວຽງ​ຈັນ ​ໂດຍ​ໄດ້​ຮັບ​ການ​ຕອນ​ຮັບຈາກ​ການ​ນຳ​ຂັ້ນ​ສູງ​ຂອງ​ແຂວງ.

    ສຳລັບໄລຍະ​ເວລາ ​ເດີນທາງ​ຈາກ​ສະຖານີ​ລົດ​ໄຟ​ນະຄອນຫລວງ​ວຽງ​ຈັນ ​ຫາສະຖານີ​ລົດ​ໄຟ​ວັງ​ວຽງ ​ແຂວງ​ວຽງ​ຈັນ ​ໃຊ້​ເວລາປະມານ 50 ນາທີ, ສ່ວນ​ລາຄາ​ປີ້​ຂົນ​ສົ່ງ​ຜູ້​ໂດຍສານ ຈາກ​ສະຖານີ​ນະຄອນຫລວງ (ນວ) ​ຮອດ​ສະຖານີ​ໂພນ​ໂຮງ ລາຄາ ທຳ​ມະ​ດາ 40 ພັນ​ກີບຕໍ່​ຄົນ​ຕໍ່​ຖ້ຽວ, ຊັ້ນ 2 ລາຄາ 56 ພັນ​ກີບຕໍ່​ຄົນ​ຕໍ່​ຖ້ຽວ, ຊັ້ນ1 ລາ​ຄາ 86 ພັນ​ກີບ

    ຕໍ່​ຄົນ​ຕໍ່​ຖ້ຽວ, ນວ-ວັງ​ວຽງ ລາຄາ​ທຳ​ມະ​ດາ 74 ພັນ​ກີບຕໍ່​ຄົນ​ຕໍ່​ຖ້ຽວ, ຊັ້ນ​2 ລາຄາ 103.000 ​ກີບຕໍ່​ຄົນ​ຕໍ່​ຖ້ຽວ​, ຊັ້ນ1 ລາຄາ 164.000 ​ກີບຕໍ່​ຄົນ​ຕໍ່​ຖ້ຽວ, ນວ-ຫລວງ​ພະ​ບາງ ລາຄາ​ທຳ​ມະ​ດາ 140.000 ກີບຕໍ່​ຄົນ​ຕໍ່​ຖ້ຽວ, ຊັ້ນ2 ລາ​ຄາ 198.000 ​ກີບຕໍ່​ຄົນ​ຕໍ່​ຖ້ຽວ, ຊັ້ນ1 ລາ​ຄາ 313.000 ​ກີບຕໍ່​ຄົນ​ຕໍ່​ຖ້ຽວ, ນວ-​ເມືອງ​ໄຊ ລາຄາ​ທຳ​ມະ​

    ດາ 198.000 ​ກີບຕໍ່​ຄົນ​ຕໍ່​ຖ້ຽວ, ຊັ້ນ2 ລາຄາ 279.000 ​ກີບຕໍ່​ຄົນ​ຕໍ່​ຖ້ຽວ, ຊັ້ນ1 ລາຄາ 443.000 ​ກີບຕໍ່​ຄົນ​ຕໍ່​ຖ້ຽວ, ນວ-ບໍ່​ເຕ່ນ ລາຄາ​ທຳ​ມະ​ດາ 238.000 ກີບຕໍ່​ຄົນ​ຕໍ່​ຖ້ຽວ, ຊັ້ນ​2 ລາຄາ 333.000 ​ກີບຕໍ່​ຄົນ​ຕໍ່​ຖ້ຽວ, ຊັ້ນ1 ລາຄາ 529.000 ​ກີບຕໍ່​ຄົນ​ຕໍ່​ຖ້ຽວ.ຢ່າງ​ໃດ​ກໍ່ຕາມຜູ້ໂດຍສານທີ່ຈະມາ​ໃຊ້​ບໍລິການ ລົດ​​ໄຟ​ລາ​ວ-ຈີ​ນ, ຄວນມາຮອດສະຖານີລົດໄຟກ່ອນ 1 ຊົ່ວໂມງ ກ່ອນລົດໄຟຈະອອກ, ໃຊ້ປີ້ເປັນບ່ອນອີງ ເພື່ອເຂົ້າໃນສະຖານີ.

    ສຳລັບກົດລະບຽບໃນການຂຶ້ນລົດໄຟ ຜູ້ໂດຍສານຕ້ອງຖືປີ້ລົດໄຟ, ມີໃບຢັ້ງຢືນການສັກວັກຊີນ 2 ເຂັ້ມຄົບຕາມກຳນົດ ແລະ ໃບຢັ້ງຢືນການກວດໂຄວິດ-19 ພາຍໃນ 72 ຊົ່ວໂມງຈຶ່ງສາມາດຂຶ້ນລົດໄຟໄດ້ (ຕ້ອງຖືເອກະສານຕິດຕົວທີ່ມີຜົນບັງຄັບໃຊ້, ເພື່ອນຳໃຊ້ຢັ້ງຢືນຕົວຕົນໃຫ້ກົງກັບໃບເອກະສານຢັ້ງຢືນການກວດໂຄວິດ).

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.