ແຊຣປະສົບການ ການກວດໂ ຄ ວິ ດ ໂດຍການກວດດ້ວຍຕົນເອງດ້ວຍ Rapid Antigen Test Kit ຫຼືທີ່ທຸກຄົນມັກເອີ້ນວ່າ ATK

    0
    178

    ມື້ນີ້ຂໍມາເວົ້າເລື້ອງການກວດໂຄວິດ🦠🧪ໂດຍການໃຊ້ແຜ່ນກວດຕົນເອງ Rapid Antigen Test Kit(Rapid test) ຫຼືທີ່ທຸກຄົນມັກເອີ້ນວ່າ ATK🧐ຫຼາຍຄົນມັກເຂົ້າໃຈຜິດແລະຄິດໄປເອງວ່າກວດແລ້ວຂຶ້ນຂີດດຽວ(ຜົນລົບ) ແລ້ວໂຕເອງຈະບໍ່ຕິດເຊື້ອ ❌No ຈະ❌ ໂດຍສະເພາະກຸ່ມ C1(ກຸ່ມສຳຜັດໃກ້ຊິດກັບຜູ້ຕິດເຊື້ອ)‼️
    ເຮົາຈະມາເວົ້າຂໍ້ດີຂອງການກວດດ້ວຍຕົນເອງກ່ອນຄື:

    ສາມາດກວດໂຕເອງໄດ້ໂດຍບໍ່ຕ້ອງໄປຖ້າເຂົ້າຄິວກວດຢູ່ໂຮງໝໍ ຫຼື ໄປບ່ອນແອອັດສ່ຽງຕໍ່ການຮັບເຊື້ອ ໄດ້ຜົນກວດໄວ ຖ້າພຽງ15-20ນາທີຮູ້ຜົນ ຊອກຊື້ງ່າຍ(ເພາະຕອນນີ້ມີຂາຍຢູ່ເຕັມບໍ່ວ່າຈະຕະຫຼາດ,ຮ້ານຄ້າທົ່ວໄປ,ຕາມສື່ອອນໄລນ໌ ບໍ່ຢ້ານເຈັບ ເພາະໂຕເອງແຍ່ດັງໂຕເອງ(ຖ້າໄປກວດນຳໝໍ ໝໍຕ້ອງແຍ່ເລິກ)😅ຊ່ອຍຄັດກອງຜູ້ຕິດເຊື້ອອອກຈາກຊຸມຊົນໄດ້ ກໍລະນີກວດພົບຜົນບວກ(ຂຶ້ນ2ຂີດ) ແມ່ນຄ່ອນຂ້າງແນ່ນອນວ່າຕິດເຊື້ອແລ້ວ ສາມາດແຍກແລະກັກໂຕຕົນເອງໄດ້

    ຊ່ວຍລົດພາລະຂອງໝໍໃນການກວດຢູ່ຈຸດຄັດກອງ ກໍລະນີທີ່ບໍ່ຈຳເປັນຕ້ອງກວດ ກະຄືຢາກກວດໂຕເອງ ສົງໄສ (ແຕ່ບໍ່ມີອາການ, ບໍ່ໄດ້ສຳຜັດໃກ້ຊິດຄົນຕິດເຊື້ອມາກ່ອນ, ບໍ່ໄດ້ຢູ່ພື້ນທີ່ສ່ຽງຫຼືເຂດລະບາດ) ກໍ່ສາມາດຊື້ມາກວດເອງໄດ້ເລີຍ

    ແຕ່ທ່ານຮູ້ບໍ່ວ່າຂໍ້ເສຍຂອງການກວດແບບນີ້ກໍ່ມີຄືກັນການໃຫ້ຜົນລົບປອມ ໝາຍຄວາມວ່າເຖິງທ່ານຈະຕິດເຊື້ອ ແຕ່ກວດແລ້ວຂຶ້ນຂີດດຽວ ເພາະຍ້ອນສາເຫດຫຍັງ⁉️
    ກໍ່ຍ້ອນວ່າ:

    1. ຈາກການທີ່ເຊື້ອໃນຮ່າງກາຍຂອງຜູ້ຕິດເຊື້ອຍັງມີໜ້ອຍ ເຄື່ອງກວດແບບນີ້ກໍ່ບໍ່ສາມາດກວດເຫັນໄດ້ 2. ການກວດບໍ່ໄດ້ມາດຕະຖານ ບໍ່ວ່າຈະເປັນການແຍ່ດັງຕົນເອງ(ແຍ່ບໍ່ເລິກ ເອົາອອກໄວຢ້ານເຈັບ), ເຄື່ອງກວດບໍ່ໄດ້ມາດຕະຖານຫຼືໝົດອາຍຸ, ສິ່ງປົນເປື້ອນ(ຄວາມຊື້ນຫຍັງຕ່າງໆ) 3. ຄົນທີ່ໄດ້ຮັບການສັກຢາວັກຊິນມາແລ້ວ ກໍ່ມີໂອກາດສູງທີ່ເຖິງຈະຕິດເຊື້ອແລ້ວ ກໍ່ໃຫ້ຜົນລົບປອມໄດ້

    ອັບເດດຕື່ມ:ນອກຈາກຜົນລົບປອມແລ້ວ ຍັງມີຜົນບວກປອມໄດ້ເຊັ່ນກັນ‼️ກໍຄືກໍລະນີທີ່ບໍ່ໄດ້ຕິດເຊື້ອ ແຕ່ຜົນກວດຂຶ້ນ2ຂີດ ອັນນີ້ສຳຫຼັບໝໍຄິດວ່າໜ້າຈະເກີດຈາກການເຊື່ອມຄຸນນະພາບຂອງເຄື່ອງກວດ ແລະເຄື່ອງກວດບໍ່ໄດ້ມາດຕະຖານຫຼາຍກ່ອນ (ແຕ່ພົບໜ້ອຍສຸດ) ຖ້າກວດຂຶ້ນ2ຂີດແລ້ວ ຄວນຢັ້ງຢືນດ້ວຍການກວດ PCR

    ສະນັ້ນແລ້ວ ເປັນການດີທີ່ສຸດຖ້າຫາກທ່ານມີອາການເຂົ້າຄ່າຍສົງໄສຕິດເຊື້ອ(ໄຂ້,ໄອ,ເປັນຫວັດ,ດັງບໍ່ໄດ້ກິ່ນ,ປາກບໍ່ຮູ້ລົດຊາດ ໆລໆ) ຫຼືມີຄວາມສ່ຽງໄປເຂດພຶ້ນທີ່ທີ່ມີຄວາມສ່ຽງສູງຈະຕິດເຊື້ອ, ແລະໂດຍສະເພາະກຸ່ມສຳຜັດໃກ້ຊິດກັບຜູ້ຕິດເຊື້ອມາກ່ອນ

    ຢາກໃຫ້ໄດ້ໄປກວດຢູ່ໂຮງໝໍ ຫຼື ຈຸດກວດຄັດກອງຕ່າງໆ ທີ່ເພິ່ນຈະໃຊ້ການກວດ RT-PCR ທີ່ໃຫ້ຜົນກວດທີ່ຊັດເຈນແລະແນ່ນອນກວ່າ ເພື່ອບໍ່ເປັນການລະບາດແລະສົ່ງເຊື້ອຕໍ່ໃຫ້ກັບຄົນທີ່ທ່ານຮັກ ດ້ວຍຄວາມຫວັງດີ ຈາກໝໍອິ້ງ Dr. Vilayvone MANIPHOUSAY, M.D.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.