ສິ່ງຄວນຮູ້ ກ່ຽວກັບເວລາ, ຂໍ້ກຳນົດ ການໃຊ້ບໍລິການ ທາງລົດໄຟ ລາວ-ຈີນ ສ່ວນລາຄາລົດໄຟ EMU

    0
    150

    ບໍລິສັດທາງລົດໄຟ ລາວ-ຈີນ ໄດ້ອອກແຈ້ງ ສິ່ງຄວນຮູ້ ກ່ຽວກັບເວລາ, ຂໍ້ກຳນົດ ແລະ ບັນດາຂໍ້ຫ້າມ ກ່ຽວກັບການໃຊ້ບໍລິການ ທາງລົດໄຟ ລາວ-ຈີນ ໂດຍໃນເບື້ອງຕົ້ນ ຈະເປີດແລ່ນຂະບວນລົດໄຟສາຍພາຍໃນ 2 ຄູ່/ມື້. ໃນນີ້ລາຄາ ລົດໄຟ EMU ແຕ່ນະຄອນຫຼວງວຽງຈັນ ຫາຫຼວງພະບາງ ຊັ້ນ1 ລາຄາ 313.000ກີບ, ຊັ້ນ 2 ລາຄາ198.000ກີບ ແລະລົດໄຟຂະບວນທຳມະດາ 140.000 ກີບ

    ໃນປະກາດແຈ້ງການຂົນສົ່ງຜູ້ໂດຍສານທາງລົດໄຟລາວ-ຈີນໃນວັນທີ 30 ພະຈິກ 2021 ລະບຸວ່າ: ແຜນເວລາເດີນລົດ ແລະ ຕາຕະລາງເວລາເດີນລົດ ໃນຊ່ວງມີການລະບາດຂອງພະຍາດໂຄວິດ-19 ຍັງຈະບໍ່ເປີດໂດຍສານລະຫວ່າງປະເທດເທື່ອ, ໃນແຕ່ລະມື້ຈະເປີດແລ່ນຂະບວນລົດໄຟສາຍພາຍໃນ 2 ຄູ່/ມື້, ໃນນັ້ນແມ່ນແລ່ນຈາກ ນະຄອນຫຼວງວຽງຈັນ ໄປ ບໍ່ເຕ່ນ 1 ຄູ່ ( ກຳນົດເວລາລົດອອກເບື້ອງຕົ້ນແມ່ນ 8:00 ໂມງ ເຖິງສະຖານີ ບໍ່ເຕ່ນ 11:20 ໂມງ),

    ຂາກັບ ອອກຈາກສະຖານີບໍ່ເຕ່ນ 12:15 ໂມງ ເຖິງສະຖານີນະຄອນຫຼວງ 15:19 ໂມງ); ນະຄອນຫຼວງ ໄປ ຫຼວງພະບາງ 1 ຄູ່ ( ກຳນົດເວລາລົດອອກເບື້ອງຕົ້ນແມ່ນ ຈາກສະຖານີ, ນະຄອນຫຼວງວຽງຈັນ 16:10 ໂມງລົດໄຟອອກ ເຖິງ ສະຖານີຫຼວງພະບາງ 18:02 ໂມງ, ຂາກັບ ຈາກສະຖານີຫຼວງພະບາງ 18:50 ໂມງ ເຖິງ ສະຖານີນະຄອນຫຼວງ 20:46 ໂມງ).

    +ຈາກສະຖານີບໍ່ເຕ່ນ – ນະຄອນຫຼວງລວມຈອດຢູ່ແຕ່ລະສະຖານີຕ່າງລົດໄຟ EMU ຈະນຳໃຊ້ເວລາແລ່ນແມ່ນປະມານ 3 ຊົ່ວໂມງ 20 ນາທີ, ຖ້າແລ່ນຈາກໂດຍກົງບໍ່ຈອດ ລະຫວ່າງທາງແມ່ນນໍາໃຊ້ເວລາແລ່ນລົດໄຟ EMU ພາຍໃນ 3 ຊົ່ວໂມງ.

    ຂັ້ນຕອນການຊື້ປີ້ລົດໄຟການຊື້ປີ້ລົດໄຟຂອງຜູ້ໂດຍສານ ກະລຸນາເດີນທາງມາຊື້ປີ້ຢູ່ປ່ອງບໍລິການຂາຍປີ້ ຢູ່ສະຖານີລົດໄຟ, ຊ່ວງການລະບາດຂອງໂຄວິດ-19 ຈະສາມາດຊື້ປີ້ລ່ວງໜ້າໄດ້ກ່ອນ 3 ມື້ທີ່ຈະເດີນທາງ. ໃນເວລາຊື້ປີ້ລົດໄຟຕ້ອງ ສະແດງບັດປະຈຳຕົວຢັ້ງຢືນ, ບັດສັກວັກຊີນຄົບ 2 ເຂັມ.

    ທ່ານຜູ້ໂດຍສານສາມາດປັບປ່ຽນ ສະຖານີຂຶ້ນ-ລົງລົດໄຟ, ເວລາການຂຶ້ນລົດໄຟ ແລະ ປະເພດຕັ້ງນັ່ງ ໄດ້ທີ່ປ່ອງບໍລິການຂາຍປີ້ ໄດ້ກ່ອນພາຍໃນລົດໄຟອອກ 48 ຊົ່ວໂມງ ຫຼື ຫຼັງລົດໄຟອອກ ສາມາດປັບປ່ຽນໃໝ່ພາຍໃນມື້ທີ່ລະບຸຢູ່; ໃນນີ້ ຈະບໍ່ສາມາດດຳເນີນການປ່ຽນເປັນມື້ຖັດໄປ ຫຼື ພາຍຫຼັງໄດ້. ການຖອນປີ້ ຕ້ອງດຳເນີນການກ່ອນລົດໄຟອອກ, ການຖອນປີ້ຈະຫັກຄ່າທໍານຽມການຖອນປີ້ຕາມມູນຄ່າໃນປີ້ 20%.


    ການຂຶ້ນລົດໄຟແນະນຳໃຫ້ຜູ້ໂດຍສານເດີນທາງມາຮອດສະຖານີລົດໄຟກ່ອນ 1 ຊົ່ວໂມງທີ່ລົດໄຟຈະອອກ, ໃຊ້ປີ້ເປັນບ່ອນອີງ ເພື່ອເຂົ້າໃນສະຖານີ ແລະ ດຳເນີນການກວດກາຄວາມປອດໄພເຄື່ອງ, ຫຼັງຈາກກວດກາແລ້ວໃຫ້ໄປລໍຖ້າໃນເຂດລໍຖ້າ, ໂດຍຕາມຫຼັກການກ່ອນຂະບວນລົດໄຟ EMU ຫຼື ຂະບວນລ້ານຊ້າງ ຈະອອກເດີນທາງຈາກສະຖານີຕົ້ນທາງ 20 ນາທີຈະເລີ່ມການແຈ້ງປີ້ເພື່ອຂື້ນລົດໄຟ, ກ່ອນລົດໄຟຈະອອກ 5 ນາທີຈະຢຸດການແຈ້ງປີ້.

    ກະລຸນາເກັບຮັກສາປີ້ລົດໄຟໃຫ້ດີ, ລະຫວ່າງທາງ ຂື້ນລົດ, ລົງລົດໄຟ, ປີ້ລົດໄຟຊ່ວງທາງທີ່ບໍ່ໄດ້ນັ່ງໄປເຖິງຈະໝົດສິດນຳໃຊ້, ຫຼັງຈາກຮອດສະຖານີຈະກວດກາປີ້ຢູ່ຊ່ອງທາງອອກເພື່ອອອກຈາກສະຖານີ.

    ປີ້ລາຄາພິເສດຜູ້ໂດຍສານຜູ້ໃຫຍ່ຄົນໜຶ່ງ ສາມາດພາເດັກນ້ອຍທີ່ມີສ່ວນສູງບໍ່ເກີນ 1,2 ແມັດຂຶ້ນລົດໄຟນຳໄດ້ໂດຍບໍ່ເສຍຄ່າປີ້ໄດ້ 1 ຄົນ, ແຕ່ຈະບໍ່ມີຕັ່ງນັ່ງໃຫ້ສຳລັບເດັກນ້ອຍທີ່ພາຂຶ້ນມານໍາໃຫ້, ໃນເວລາມີເດັກເກີນ 1 ຄົນ, ຈຳນວນຄົນທີ່ເກີນມາຕ້ອງໄດ້ຊື້ປີ້ສໍາລັບເດັກນ້ອຍ. ໃນເວລາເດັກນ້ອຍທີ່ພາຂື້ນລົດໄຟໂດຍບໍ່ເສຍຄ່າປີ້ຈະນຳໃຊ້ຕັ່ງນັ່ງຂອງຜູ້ໃຫຍ່ ແມ່ນຄວນຕ້ອງໄດ້ຊື້ປີ້ສຳລັບເດັກນ້ອຍ.

    ລາຄາປີ້ສ່ວນດ້ານລາຄາປີ້ໂດຍສານທີ່ກຳນົດເບື້ອງຕົ້ນແມ່ນມີ 3 ປະເພດຄື: ຂະບວນ EMU ຊັ້ນ 1; ຂະບວນ EMU ຊັ້ນ 2 ແລະ ຂະບວນລົດໄຟຄວາມໄວທຳມະດາ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.