ທັບນັກກິລາທີມຊາດລາວຊຸດໃຫຍ່​ ອອກເດີນທາງສູ່ສິງກະໂປແລ້ວ ກຽມລົງແຂ່ງຂັນບານເຕະຊີງແຊ້ມອາຊຽນ​ 6​ ທັນວານີ້

    0
    199

    ທັບນັກກິລາທີມຊາດລາວຊຸດໃຫຍ່​ ອອກເດີນທາງສູ່ສິງກະໂປແລ້ວ ກຽມລົງແຂ່ງຂັນບານເຕະຊີງແຊ້ມອາຊຽນ​ 6​ ທັນວານີ້ຕອນເຊົ້າ ວັນພຸດ 01 ທັນວາ 2021 ຄະນະນຳ, ຄະນະຄູຝຶກ ແລະ ນັກກິລາ ທີມຊາດລາວ ຊຸດໃຫຍ່ ຈຳນວນ 46 ຄົນ ໄດ້ອອກເດີນທາງໄປທີ່ປະເທດສິງກະໂປ ເພື່ອເຂົ້າຮ່ວມ ການແຂ່ງຂັນບານເຕະຊີງແຊ້ມອາຊຽນ ປະຈຳປີ 2020​ ຫຼື​ AFF SUZUKI CUP​ 2020ສຳລັບລາຍຊື່ ຄະນະນຳ, ຄະນະຄູຝຶກ ແລະ ແພດ ມີ 16 ທ່ານ ປະກອບມີລາຍຊື່ດັ່ງລຸ່ມນີ້:

    1. ທ່ານ ຄຳແພງ ວົງຂັນຕີ ຮອງປະທານ ສະຫະພັນບານເຕະແຫ່ງຊາດລາວ 2. ທ່ານ ຄຳໄພ ປະເສີດ ຮອງປະທານ ສະຫະພັນບານເຕະແຫ່ງຊາດລາວ 3. ທ່ານ ດຣ ຫວັນແກ້ວ ລາດຊະບຸດ ຫົວໜ້າຄະນະ

    4. ທ່ານ ພັທ ຖາວອນ ຫຼວງຈັນດາວົງ ຮອງຫົວໜ້າຄະນະ5. ທ່ານ ພັອ ທອງເພັດ ມະນີສະຫວັນ ຮອງຫົວໜ້າຄະນະ ສຕລ 6. Mr. V Sundram Moorthy ອຳນວຍການເຕັກນິກ ສຕ ລ (ສິງກະໂປ)

    7. Mr. Selvaraj S/O Vengadasalam ຫົວໜ້າຄູຝືກ ສຕລ (ສິງກະໂປ) 8. ທ່ານ ກັນລະຍາ ສີສົມຫວັງ ຜູ້ຊ່ວຍຄູຝືກ 9. ທ່ານ ນາງ ພອນທິບ ແສງມະນີ ຜູ້ຊ່ວຍຄູຝຶກ 10. Mr. Nay Hlaing ຄູຝຶກປະຕູ ສຕລ (ມຽນມາ)

    11. ທ່ານ ທະນົງຈິດ ວິລະສັກ ຜູ້ຈັດການທີມ 12. ທ່ານ ສີສະເຫວີຍ ໄຊຊະນະສີ ບໍລິຫານທີມ 13. ທ່ານ ບັນຈົງ ຈິນດາ ແພດປະຈຳທີມ 14. ທ່ານ ສີວິໄລ ສີຫາເທບ ແພດປະຈຳທີມ 15. ທ່ານ ທິບພະກອນ ພະກາສີ ສື່ມວນຊົນ ປະຈຳທີມ 16. ທ່ານ ວັນນະລັກ ວົງພົມ ອຸປະກອນ

    ພ້ອມນັກເຕະ​ 30​ ຄົນ​ ທີ່ໄດ້ປະກາດໄປກ່ອນໜ້ານີ້.​ ການແຂ່ງຂັນບານເຕະຊິງແຊ້ມອາຊຽນ ປະຈໍາປີ 2020 AFF SUZUKI CUP 2020 ແມ່ນຈະຈັດຂຶ້ນໃນລະຫວ່າງວັນທີ 05 ທັນວາ 2021 ຫາ 01 ມັງກອນ 2022 ຢູ່ທີ່ປະເທດສິງກະໂປ ໂດຍ ທີມຊາດລາວ ຢູ່ຮ່ວມກຸ່ມ ບີ ຮ່ວມກັບ ຫວຽດນາມ, ມາເລເຊຍ, ອິນໂດເນເຊຍ, ກຳປູເຈຍ.

    ຕາຕະລາງ ການແຂ່ງຂັນ ທີມຊາດລາວ ວັນທີ 06/12/2021 ເວລາ 19:30 ທີມຊາດລາວ ພົບ ທີມຊາດຫວຽດນາມ ວັນທີ 09/12/2021 ເວລາ 16:30 ທີມຊາດລາວ ພົບ ມາເລເຊຍ ວັນທີ 12/12/2021 ເວລາ 16:30 ທີມຊາດລາວ ພົບ ທີມຊາດອິນໂດເນເຊຍ ວັນທີ 15/12/2021 ເວລາ 16:30 ທີມຊາດລາວ ພົບ ທີມຊາດກຳປູເຈຍ.​ ທຸກໆນັດທີ່ ທີມຊາດລາວ ລົງສະຫນາມແມ່ນຈະແຂ່ງຂັນຢູ່ທີ່ສະຫນາມ BISHAN STADIUM ປະເທດສິງກະໂປ.

    ເງິນລາງວັນລາຍການດັ່ງກ່າວ ທີມຊະນະເລີດ ຈະໄດ້ຮັບເງິນລາງວັນ 300.000 ໂດລາ, ອັນດັບ 2 ໄດ້ຮັບເງິນລາງວັນ 100.000 ໂດລາ ແລະ ຜ່ານເຂົ້າຮອບຮອງຊະນະເລີດ ຈະໄດ້ຮັບເງິນລາງວັນ 50.000 ໂດລາ.
    ຂໍ້ມູນ-ພາບ: ສຕລ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.