ໜັກກວ່າເກົ່າ! ເມືອງວຽງທອງທຳລາຍກ ັ ນ ຊ າເນື້ອທີ່ 9,9 ເຮັກຕາ ຄາດວ່ານໍ້ານັກປະມານ 54 ກວ່າໂຕນ

    0
    44

    ອີງຕາມການລາຍງານຂ່າວ ສະຖານີ-ວິທະຍຸ ເມືອງ ວຽງທອງ ໃຫ້ຮູ້ວ່າ: ວັນທີ 23 ພະຈິກ 2021 ຜ່ານມາເຈົ້າໜ້າທີ ປກຊ-ປກສ ເມືອງ, ຊາວໝຸ່ມເມືອງ,ພາກສ່ວນກ່ຽວຂ້ອງຂອງເມືອງ ແລະ ປກສ ກຸ່ມນາຊວງ, ອໍານາດການປົກຄອງບ້ານ, ຊາວໜຸ່ມບ້ານ , ບ້ານອຸດົມໄຊ, ເມືອງວຽງທອງ, ແຂວງບໍລິຄໍາໄຊ ໄດ້ລົງກວດກາພ້ອມທັງທຳລາຍສວນກັນຊາຂອງປະຊາຊົນທີ່ລັກລອບປູກຢູ່ເຂດບ້ານດັ່ງກ່າວ.

    ໃນການລົງໄປກວດກາຄັ້ງນີ້ໄດ້ພົບເຫັນສວນປູກຄັນຊາ ຈໍານວນ 17 ສວນ ຢູ່ໃນ 3 ຈຸດ ເຂດບ້ານ ອຸດົມໄຊ ມີເນື້ອທີ 9,9 ເຮັກຕາ, ມີ 10.180 ຂຸມ, ປະເມີນນໍ້າໜັກປະມານ 54.195 ກິໂລກຣາມ ( ຫ້າສິບສີ່ພັນໜື່ງຮ້ອຍເກົ້າສິບຫ້າກິໂລກຣາມ),ພ້ອມທັງກັກຕົວເຈົ້າຂອງສວນໄດ້ 1 ຄົນ, ສ່ວນ 16 ສວນແມ່ນຍັງບໍ່ທັນຮູ້ເຈົ້າຂອງ, ຕໍ່ກັບສວນທີ່ຍັງບໍ່ທັນຮູ້ເຈົ້າຂອງນັ້ນເຈົ້າໜ້າທີ່ຈະໄດ້ສືບຕໍ່ຕິດຕາມກວດກາຄືນເພື່ອນໍາມາດໍາເນີນຄະດີຕາມລະບຽບກົດໝາຍ.

    ສ່ວນສວນກັນຊາທີ່ພົບເຫັນ ເຈົ້າໜ້າທີໄດ້ພ້ອມກັນທໍາລາຍດ້ວຍການຕັດ, ຈູດໄຟຖີ້ມ. ການລົງແກ້ໄຂບັນຫາການລັກລອບປູກກັນຊາ ຂອງປະຊາຊົນຄັ້ງນີ້ແມ່ນເພື່ອເປັນການເຮັດໃຫ້ການລັັກລອບປູກກັນຊາ ຂອງປະຊາຊົນຢູ່ເມືອງວຽງທອງເວົ້າລວມເວົ້າສະເພາະກໍ່ຢູ່ຂອບເຂດບ້ານອຸດົມໄຊໃຫ້ຫລຸດໜ້ອຍຖອຍລົງຈົນກ່ວາບໍ່ມີ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.