ຈາກຊຸບເປີສະຕາດັງ ຜັນໂຕເປັນແມ່ຄ້າອອນລາຍໄດ້ເງິນຊົ່ວໂມງຫຼັກ 100 ລ້ານ

    0
    35

    ສາວຢຸ້ຍ ຈີລະນັນ ໃຜໆກໍຮູ້ຈັກດີເປັນດາລານັກສະແດງໄທທີ່ມີຜົນງານຫຼວງຫຼາຍ ພາຍຫຼັງເກີດການລະບາດຂອງໂຄວິດ-19 ຢຸ້ຍກໍ່ບໍ່ຕ່າງກັບຄົນອື່ນໆ ຕ້ອງຕົກວຽກບໍມີການສະແດງລະຄອນ, ບໍ່ມີລາຍໄດ້ຈາກອາຊີບນັກສະແດງເໝືອນແຕ່ກ່ອນຈິ່ງຜັນຕົວເປັນແມ່ຄ້າອອນລາຍ ປາເງິນໄປຊົ່ວໂມງລະຫຼັກ 100 ລ້ານກີບ ບໍ່ຜິດຊົ່ວໂມງລະເປັນຮ້ອຍໆລ້ານ.

    ຫຼາຍຄົນຄົງວ່າມັນເປັນໄປບໍໄດ້ດອກ ແຕ່ສາວຢຸ້ຍຢືນຢັນເອງມີສະຖິຕິເຄີຍໄດ້ເຖິງຊົ່ວໂມງລະ 3 ລ້ານບາດ ຄູນເປັນກີບກໍ່ມະຫາສານ ຫຼາຍຄົນຄົງຄິດວ່າເປັນດາລາເຮັດຫຍັງກໍໄດ້ ຂາຍໄປບັນດາແຟນໆຄົນບັນເທີງຊື້ຢູ່ແລ້ວ ແລະເປັນສິນຄ້າລາຄາແພງ ແຕ່ຄວາມຈີງສາວຢຸ້ຍບອກວ່າສິນຄ້າທີ່ຂາຍດີສຸດມີແຕ່ຫຼັກ 100 ປາຍບາດ.

    ສາວຢຸ້ຍຍັງບອກວ່າ ເບື້ອງຕົ້ນຕົນເປັນແມ່ຄ້າອອນລາຍຂາຍກະເປົາຢູ່ແລ້ວ ແລະເຫັນວ່າມີລູ່ທາງ ພາຍຫຼັງຕົກງານຍ້ອນໂຄວິດ ສິ່ງທີ່ມີໃນຫົວຄືຕ້ອງຂາຍເຄື່ອງໃຫ້ໄດ້ ຈິ່ງຫາສິນຄ້າເປັນພັນໆຢ່າງມາຂາຍ ດີແຕ່ມີບັນດາລູກຄ້າຮັກ ແລະອີດູສົງສານຈິ່ງສາມາດສ້າງລາຍຮັບໄດ້ຕໍ່ເນື່ອງ.

    ໃນບັນດາສິນຄ້າທີ່ເອົາມາຂາຍແມ່ນມີທັງຂອງປະຊາຊົນບັນດາຈັງຫວັດທີ່ໂຄວິດມາແລ້ວເພິ່ນຂາຍບໍອອກ ຢຸ້ຍກໍ່ຮັບມາຂາຍຊ່ວຍ ແຕ່ໃນທີ່ນີ້ຕ້ອງໄດ້ເລືອກໃຫ້ດີທີ່ສຸດ ເພື່ອບໍ່ໃຫ້ລູກຄ້າຕ້ອງຜິດຫວັງ.

    ສຳລັບວິທີການຂາຍບໍ່ມີຫຍັງຫຼາຍ ອັນສຳຄັນບໍ່ໂຄສະນາເກີນຈີງບໍກົດດັນໃຫ້ລູກຄ້າຊຶ້ ແຕ່ຕ້ອງເຮັດໜ້າທີ່ຂອງຕົນເອງໃຫ້ດີ ກໍ່ຄືຕ້ອງສຶກສາສິນຄ້າໃຫ້ຮູ້ດີເຖີິງຂັນສາມາດອະທິບາຍໄດ້ ເມື່ອລູກຄ້າຈ່າຍເງິນແລ້ວບໍໃຫ້ເກີດຄວາມຜິດຫວັງ ເທົ່ານັ້ນບໍມີເຄັດລັບຫຍັງ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.