ສຶກສາອົບຮົມ ພົບເຫັນໄວລຸ້ນ ຈໍານວນ 5 ຄົນ ຕັ້ງວົງດື່ມເຫຼົ້າ, ເບຍ ຢູ່ບ້ານດອນກອຍ

    0
    70

    ສຶກສາອົບຮົມຜູ້ລະເມີດ ຄໍາສັ່ງເລກທີ 38/ສພກ.ນວ ໃນເວລາ 22:30 ໂມງ ຂອງວັນທີ 29 ຕຸລາ 2021 ພັທ ໂອໄດ ພິມມະຈັນ ຫົວໜ້າພະແນກສັນຕິບານ ກອງບັນຊາການ ປກສ ເມືອງສີສັດຕະນາກ ພ້ອມດ້ວຍຄະນະສະເພາະກິດ ຂອງກອງບັນຊາການ ປກສ ເມືອງສີສັດຕະນາກ ອອກກວດກາລາດຕະເວນ ທົ່ວເມືອງສີສັດຕະນາກ ໄດ້ພົບເຫັນໄວລຸ້ນ ຈໍານວນ 5 ຄົນ ຕັ້ງວົງດື່ມເຫຼົ້າ, ເບຍ ຢູ່ບ້ານດອນກອຍ ເມືອງສີສັດຕະນາກ ນະຄອນຫຼວງວຽງຈັນ ເຊິ່ງເປັນການລະເມີດຄໍາສັ່ງເລກທີ 38/ສພກ.ນວ ດັ່ງນັ້ນ, ເຈົ້າໜ້າທີ່ໄດ້ເຮັດບົດບັນທຶກໄວ້ເປັນຫຼັກຖານ. ສ່ວນການແກ້ໄຂ ແມ່ນໄດ້ເຊີນຜູ້ລະເມີດ ຂຶ້ນມາຫ້ອງການ ກອງບັນຊາການ ປກສ ເມືອງສີສັດຕະນາກ ເພື່ອສຶກສາອົບຮົມ.

    ກອງບັນຊາການ ປກສ ນວ ຮຽກຮ້ອງເຖີງປະຊາຊົນລາວ ທົ່ວນະຄອນຫຼວງວຽງຈັນ ຈົ່ງພ້ອມກັນເປັນເຈົ້າການຈັດຕັ້ງປະຕິບັດຄໍາສັ່ງເລກທີ 38/ສພກ.ນວ ວ່າດ້ວຍການສືບຕໍ່ເພີ່ມທະວີ ການຈັດຕັ້ງປະຕິບັດມາດຕະການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຢູ່ ນວ ໃຫ້ຫຼຸດໜ້ອຍຖອຍລົງ, ຖ້າພົບເຫັນບັນຫາປະກົດການຫຍໍ້ທໍ້ ຂໍໃຫ້ແຈ້ງ ວອດແອັບ ປກສ ນວ ເບີ 020 28899774 ຫຼື ຜ່ານຊ່ອງທາງເຟັສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.