ເປັນພະນັກງານກິນເງິນເດືອນ ຈະລວຍໄດ້ບໍ?

    0
    186

    ເປັນພະນັກງານກິນເງິນເດືອນ ຈະລວຍໄດ້ບໍ?

    ຂ້ອຍໄດ້ລົມກັບນ້ອງຄົນໜຶ່ງ ທີ່ອາຍຸຍັງບໍ່ຮອດ 30 ລາວຖາມຂ້ອຍວ່າ “ເປັນພະນັກກິນເງິນເດືອນ ກະລວຍໄດ້ບໍ?” ຂ້ອຍຕອບວ່າ “ອາຊີບໃດກໍລວຍໄດ້ໝົດ ຖ້າວ່າເຮົາມີເປົ້າໝາຍ ແລະມີຄວາມມຸ່ງໝັ້ນຕັ້ງໃຈ”.ຂ້ອຍເຄີຍເຫັນໂຕຢ່າງ ທີ່ພະນັກງານເຮັດຄວາມສຳອາດ ຫຼື ອ້າຍຢູ່ປ້ອມຍາມ ທີ່ເກັບອອມມື້ລະເລັກລະນ້ອຍ ທີ່ສຳຄັນຍັງຮຽນຮູ້ວ່າ ຈຳນຳເງິນນັ້ນໄປລົງທຶນໃຫ້ງອກເງີຍ!.

    ຄຳວ່າລວຍບໍ່ໄດ້ຈຳກັດວ່າເຮົາຕ້ອງເຮັດວຽກຫຍັງ? ຂ້ອຍກໍສັງເກດເຫັນວ່າ ມີພະນັກງານກິນເງິນເດືອນຈຳນວນຫຼາຍ ທີ່ມີຊີວິດຕອນກະສຽນອາຍຸທີ່ມີຊີວິດສຸກສະບາຍ ການມີລາຍໄດ້ປະຈຳມັນກໍມີຂໍ້ດີ ທີ່ມີເງິນເຂົ້າມາທຸກທ້າຍເດືອນ.ແນ່ນອນວ່າ! ອາດຈະບໍ່ໄດ້ກົດດັນ, ບໍ່ເຄັ່ງຄຽດ ຄືກັບພໍ່ຄ້າແມ່ຂາຍ ທີ່ມື້ໃດ? ຖ້າບໍ່ອອກໄປຄ້າຂາຍ ກໍຈະບໍ່ມີເງິນ ແລະຝົນຕົກ ຫຼື ນ້ຳຖ້ວມ ກໍຂາຍບໍ່ໄດ້.

    ເປັນຫຍັງ? ເຮົາຈຶ່ງບໍ່ເລືອກເບິ່ງໃນມຸມມອງຂໍ້ດີບ່ອນນີ້ ໂອກາດທີ່ຈະເບິ່ງເຫັນກໍຕອນທີ່ເຮົາເບິ່ງຫາ ເຮົາໄດ້ລອງແບ່ງເວລາ (ຫລັງຈາກທີ່ເລີກວຽກປະຈຳ) ໄປສຶກສາຫາຄວາມຮູ້, ຫາຊ່ອງທາງການສ້າງລາຍໄດ້ໃໝ່ໆ,ສ້າງທັກສະໃໝ່ໆແລ້ວບໍ່?ພຽງເຮົາຕັ້ງອົກຕັ້ງໃຈ ບໍ່ຫາແຕ່ຂໍ້ອ້າງມາໃຫ້ໂຕເອງ ເຈົ້າກໍສາມາດລ້ຳລວຍໄດ້. ຄວາມລວຍສຳລັບຂ້ອຍຄື ມີລາຍໄດ້ຫຼາຍກວ່າລາຍຈ່າຍ ຊີວິດບໍ່ອັດຕະຄັດຂັດສົນ (ຄວາມລວຍຂຶ້ນກັບມຸມມອງ)

    ທີ່ມາ: ນັກທຸລະກິດ New CEO Laos (ໂດຍ ແອັດມິນ007)

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.