ປະຫວັດ ຜູ້ເສຍຊີວິດ ທັງ 23 ຄົນ ທີ່ຍ້ອນໂຄວິດ ຢູ່ ສປປ ລາວ

    0
    31

    ນັບແຕ່ມີການລະບາດຂອງເຊື້ອພະຍາດໂຄວິດ-19 ກໍ່ໄດ້ສົ່ງຜົນກະທົບຕໍ່ຫຼາຍຢ່າງ ລວມທັງສຸຂະພາບຄົນ ແລະ ຊີວິດປະຊາຊົນ ເປັນຈຳນວນ ຫຼາຍ ສະເພາະ ສປປ ລາວ ແລ້ວ ແມ່ນມີຜູ້ຕິດເຊື້ອໂຄວິດ ແລະ ເສຍຊີວິດ ມາຮອດວັນທີ 6 ກັນຍາ 2021 ມີທັງໝົດຈຳນວນ 23 ຄົນ. ມາເບິ່ງປະຫວັດຈຳນວນ 23 ຄົນ.

    ຜູ້ທຳອິດ (ຜູ້ທີ1) ໃນປະເທດລາວ ເປັນຍິງສັນຊາດຫວຽດນາມ ຜູ້ກ່ຽວອາຍຸ 53ປີ ຢູ່ບ້ານນາໄຊ ເມືອງໄຊເສດຖາ ນະຄອນຫລວງວງງຈັນ ຜູ້ກ່ຽວມີພະຍາດປະຈໍາຕົວຄືອັກເສບຕັບບີ ແລະ ພະຍາດເບົາຫວານ ຫຼັງກວດເລືອດທີ່ ໂຮງໝໍເຊດຖາທິລາ ປະກົດວ່າເບົາຫວານຂື້ນຮອດ 200. ສາເຫດການເສຍຊີວິດ ແມ່ນຍ້ອນຜູ້ກ່ຽວຕິດພະຍາດໂຄວິດ ແລະ ບວກກັບພະຍາດຂອງຜູ້ກ່ຽວ, ເສຍຊີວິດ ເວລາ 01:00 ໂມງເຊົ້າຂອງທີ່ 9 ພຶດສະພາ 2021.

    ຜູ້ທີ 2: ເປັນເພດຊາຍ ອາຍຸ 29 ປີ ບ້ານວຽງຈະເລີນ ຮ່ອມ 8, ເມືອງ ໄຊເສດຖາ, ນະຄອນຫຼວງວຽງຈັນ, ປະຫວັດສ່ວນຕົວ: ນ້ຳໜັກ 100 ກວ່າກີໂລ, ດື່ມເຫຼົ້າ ແລະ ສູບຢາໄຟຟ້າ, ພະຍາດປະຈຳໂຕ: ເບົາຫວານ ແລະ ຄວາມດັນສູງ. ໃນວັນທີ 11 ພຶດສະພາ 2021 ເວລາ 11:00 ໂມງ ຜູ້ກ່ຽວເຂົ້າມາໂຮງໝໍສູນກາງ 103 ດ້ວຍອາການທີ່ເຂົ້າກັບນິຍາມກໍລະນີ SARI, ແພດໄດ້ປະເມີນອາການຜູ້ກ່ຽວໃນເບື້ອງຕົ້ນ ເຫັນວ່າ ມີອາການໜັກ ຈຶ່ງນຳສົ່ງຜູ້ກ່ຽວເຂົ້າຫ້ອງມໍລະສຸມ ICU ທັນທີ ພ້ອມທັງ ເກັບຕົວຢ່າງກວດຊອກຫາເຊື້ອ, ມາຮອດໃນວັນທີ 12 ພຶດສະພາ 2021 ຜົນກວດພົບເຊື້ອ ໂຄວິດ-19 ແລະ ວັນທີ 13 ພຶດສະພາ 2021 ເວລາ 15:30 ໂມງ ຜູ້ກ່ຽວເສຍຊີວິດ.

    ຜູ້ທີ 3: ແມ່ນເປັນເພດຊາຍ ອາຍຸ 54 ປີ ຢູ່ບ້ານຝາຍ ເມືອງໄຊເສດຖາ ນວ ຜູ້ກ່ຽວເລີ່ມມີອາຫານ ວັນທີ 11 ພຶດສະພາ 2021 ເຂົ້າມາສຸກເສີນ ໂຮງໝໍມະໂຫສົດດ້ວຍອາການອັກເສບລະບົບຫາຍໃຈຮຸນແຮງ ຈາກນັ້ນແພດໝໍກໍ່ໄດ້ເກັບຕົວຢ່າງໄປກວດພົບເຊື້ອ ຈຶ່ງສົ່ງໂຕໄປປີ່ນປົວຢູ່ໂຮງໝໍມິດຕະພາບ, ແຕ່ເນື່ອງຈາກວ່າຜູ້ກ່ຽວມີປະຫວັດເປັນຄວາມດັນເລືອດສູງ, ເບົາຫວານ ຜ່ານມາກໍ່ບໍ່ໄດ້ຮັບການດູແລປິ່ນປົວຢ່າງຖືກຕ້ອງ ສົມທົບກັບການອັກເສບຮຸນແຮງລະບົບຫາຍໃຈ ຈຶ່ງເຮັດໃຫ້ມາຮອດຕອານເຊົ້າ ວັນທີ 28 ພຶດສະພາ ຜູ້ກ່ຽວຈຶ່ງໄດ້ເສຍຊີິວິດ ສ່ວນຫຼາຍຜູ້ຕິດເຊື້ອແມ່ນຈະມີພະຍາດປະຈຳຕົວ ແລະ ຫຼັງຈາກຕິດເຊື້ອແລ້ວ ປອດກໍ່ຈະຖືກທຳລາຍ ຫຼື ເກີດຝ້າໃນປອດ ຫຼາຍກວ່າ 60% ຂຶ້ນໄປ ຈຶ່ງເຮັດໃຫ້ມີການອັກເສບລະບົບຫາຍໃນ ແລະ ຫາຍໃຈຍາກ.

    ຜູ້ທີ 4: ເປັນເພດຊາຍ ອາຍຸ 67 ປີ ບ້ານໂນນສະອາດ ເມືອງໄຊທານີ ນະຄອນຫລວງວຽງຈັນ. ຜູ້ກ່ຽວໄດ້ເຂົ້າຮັບການປິ່ນປົວແຕ່ວັນທີ 28 ມິຖຸນາ 2021 ຈາກນັ້ນແພດໝໍກໍ່ໄດ້ສຸມໃສ່ປິ່ນປົວ ແລະ ຍື້ຊີວິດຜູ້ກ່ຽວ ຈົນໃນທີ່ສຸດອາການຜູ້ກ່ຽວກໍ່ຊຸດລົງ ເນື່ອງຈາກຜູ້ກ່ຽວມີພະຍາດປະຈຳໂຕຫຼາຍຢ່າງ ສຸດທ້າຍຜູ້ກ່ຽວຈາກໄປ ໃນຕອນແລງວັນທີ 14 ກໍລະກົດ 2021.          ສຳລັບຜູ້ທີ 5: ເພດຊາຍ, ອາຍຸ 49 ປີ, ບ້ານໜອງບົວທ່າ, ເມືອງສອງຄອນ, ແຂວງສະຫວັນນະເຂດ, ອາຊີບ ຂາຍອາຫານຢູ່ປະເທດໄທ. ກ່ອນເດີນທາງເຂົ້າມາ ສປປ ລາວ ໄດ້ກວດຊອກຫາເຊື້ອໂຄວິດ-19 ໃນວັນທີ 9 ກໍລະກົດ 2021 ຢູ່ປະເທດໄທ ແລະ ຜົນກວດແມ່ນພົບເຊື້ອ ເນື່ອງຈາກສະພາບການລະບາດຂອງປະເທດໄທ ແລະ ຕ້ອງລໍຖ້າເພື່ອຮັບເຂົ້າສະຖານທີ່ປີ່ນປົວ ຜູ້ກ່ຽວຈຶ່ງໄດ້ສະເໜີຂໍກັບມາປີ່ນປົວ ຢູ່ ສປປລາວ, ວັນທີ 13 ກໍລະກົດ 2021 ຜູ້ກ່ຽວເດີນທາງມາ ສປປ ລາວ ໂດຍຜ່ານດ່ານຂົວມິດຕະພາບ 2 ແລະ ຖືກນຳສົ່ງເຂົ້າປິ່ນປົວຢູ່ສະຖານທີ່ປິ່ນປົວທີ່ຖືກກຳນົດໄວ້ ພ້ອມທັງ ເກັບຕົວຢ່າງກວດຫາ ຜູ້ກ່ຽວຮູ້ສຶກອິດເມື່ອຍ, ຫາຍໃຈຝຶດ, ແໜ້ນໜ້າເອີກ, ໄຂ້ ແລະ ຖອກທ້ອງ, ໃນວັນທີ 16 ກໍລະກົດ 2021 ຜູ້ກ່ຽວໄອ, ແໜ້ນໜ້າເອິກ, ນອນຫງາຍບໍ່ໄດ້ ແລະ ໃນເວລາ 11:10 ໂມງ ຜູ້ກ່ຽວ ເລິ່ມບໍ່ຮູ້ສະຕິ, ປາຍຕີນປາຍມືກໍ່າແຫຼ້, ແພດໝໍ ແລະ ພະຍາບານ ໄດ້ສຸມທຸກກຳລັງຊ່ວຍຊີວິດຜູ້ກ່ຽວຢ່າງສຸດຄວາມສາມາດ ແຕ່ອາການຂອງຜູ້ກ່ຽວໜັກຫຼາຍ ຈຶ່ງບໍ່ສາມາດກອບກູ້ຊີວິດຂອງຜູ້ກ່ຽວໄດ້ ແລະ ຜູ້ກ່ຽວໄດ້ເສຍຊີວິດລົງ ໃນເວລາ 5:30 ໂມງ ຂອງວັນທີ 17 ກໍລະກົດ 2021.

    ຜູ້ທີ 6:  ເປັນເພດຍິງ ອາຍຸ 23 ປີ ປະຊາຊົນ ບ້ານດົງທ່າ ເມືອງອຸທຸມພອນ ແຂວງ ສະຫວັນນະເຂດ ເປັນແຮງງານນຳເຂົ້າມາຈາກປະເທດໄທ.                                                                                                                 ຜູ້ທີ 7: ເປັນເພດຊາຍ ອາຍຸ 38 ປີ ຢູ່ບ້ານເວີນໂສມ ເມືອງໂຂງ ແຂງຈຳປາສັກ ເປັນແຮງງານລາວມາຈາກໄທ ຜ່ານດ່ານວັງເຕົ່າ ວັນທີ 23 ກໍລະກົດ 2021 ກັກໂຕຢູ່ໂຮງໝໍພາກສະໜາມ ວັນທີ 25 ກໍລະກົດ ກວດພົບເຊື້ອ ມີອາການຫາຍໃຈຝືດ, ເມື່ອຍແຮງ, ໄຂ້ສູງ, ອົກຊີຕໍ່າ ໂລກປະຈຳຕົວເປັນຕົນຕຸ້ຍ ແລະ ເປັນເບົາຫວານ, ໄຂ່ຫຼັງຫຼົ້ມ ແລະ ເສຍຊີວິດໃນຕອນເຊົ້າວັນທີ 30 ກໍລະກົດ 2021.                                                                                                             ຜູ້ທີ 8: ເປັນເພດຊາຍ ອາຍຸ 76 ປີ ອາຊີບກຳມະກອນ ຢູ່ບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ ຜູ້ກ່ຽວມີປະໂລກປະຈຳໂຕ ເປັນຄວາມດັນ ຫຼື ຕັງຊົງ, ໄດ້ເຂົ້າປົວຢູ່ໂຮງໝໍວັນທີ 3 ສິງຫາ 2021 ຜູ້ກ່ຽວເຈັບຫົວແຮງ, ຮາກ, ປາກບໍ່ໄດ້ ແລະ ເສຍສະຕິ, ວົງຕາດຳ 2 ເບື້ອງ, ເປັນຈຸດເປີ່ມຊໍ້າ ມາຮອດວັນທີ 7 ສິງຫາ 2021 ຜູ້ກ່ຽວໄດ້ເສຍຊີວິດ.                    ຜູ້ທີ 9: ເປັນເພດຍິງ ອາຍຸ 28 ປີ ອາຊີບກຳມະກອນ ຢູ່ບ້ານສົມໂຮງ ເມືອງໂຂງ ແຂວງຈຳປາສັກ ຜູ້ກ່ຽວເປັນແຮງງານທີ່ກຳມາຈາກປະເທດໄທ ຖືພາ 5 ເດືອນ, ຜູ້ກ່ຽວເດີນທາງມາລາວຜ່ານດ່ານວັງເຕົ່າຊ່ອງເມັກ ໃນວັນທີ 17 ກໍລະກິດ 2021 ພ້ອມໄດ້ເກັບຕົວຢ່າງໄປກວດ ແລະ ວັນທີ 19 ກໍລະກົດ 2021 ຜົນກວດອອກພົບຕິດເຊື້ອ ແລ້ວຖືກນໍາສົ່ງໄປສູນປິ່ນປົວ, ມາຮອດວັນທີ 1 ສິງຫາ ເລີ່ມມີໄຂ້, ໄອ ແລະ ຫາຍໃຈຝືດ ອາການຊຸດລົງເລື້ອຍໆ ສ່ອງລັງສີປອດພົບເນື້ອປອດຖືກທຳລາຍຮຸນແຮງທັງ 2 ຂ້າງ, ໜ້າທີ່ການຕັບຖືກທຳລາຍ ອາການໜັກຂຶ້ນ, ວັນທີ 8 ສິງຫາ ລູກໃນທ້ອງບໍ່ເໜັງຕີງ ມາຮອດວັນທີ 10 ສິງຫາ 2021 ຜູ້ກ່ຽວເມື່ອຍຫຼາຍ, ຄວາມດັນເລືອດຕໍ່າ  ແລະ ໃນທີ່ສຸດກໍ່ເສຍຊີວິດໃນເຊົ້າຂອງວັນທີ 11 ສິງຫາ 2021 ຖືວ່າເປັນກໍລະນີທີ 2 ຢູ່ແຂວງສະຫວັນນະເຂດ.                                                                                      ຜູ້ທີ 10: ຜູ້ກ່ຽວແມ່ນເປັນເພດຊາຍ ອາຍຸ 55 ປີ ອາຊີບກຳມະກອນ ບ້ານໂພນຊາຍ ນະຄອນໄກສອນພົມວິຫານ ແຂວງສະຫວັນນະເຂດ  ຜູ້ກ່ຽວມີພະຍາດປະຈຳໂຕ ຄວາມດັນເລືອດສູງ, ໃນວັນທີ 12 ສິງຫາ 2021 ຜູ້ກ່ຽວຫາຍໃຈຝືດ, ແໜ້ນໜ້າເອິກ, ຜົນຈາກການສ່ອງໄຟຟ້າລັງສີປອດພົບການອັກເສບປອດ ຈາກນັ້ນອາຫານກໍ່ຊຸດລົງເລື້ອຍໆ ແລະ ໄດ້ເສຍຊີວິດໃນວັນທີ 19 ສິງຫາ 2021. ຜູ້ກ່ຽວແມ່ນຖືວ່າເປັນກໍລະນີທີ 3 ທີ່ເສຍຊີວິດຢູ່ແຂວງ ສະຫວັນນະເຂດ ເຊິ່ງຜູ້ກ່ຽວແມ່ນເປັນແຮງງານລາວ ທີ່ຕິດເຊື້ອກັບມາແຕ່ປະເທດໄທ ແລະ ເຊື້ອກໍ່ເປັນສາຍພັນເດວຕ້າ ຜູ້ກ່ຽວແມ່ນໄດ້ຮັບການປີ່ນປົວທີ່ສູນຫລັກ 9 ແຕ່ອາການກໍ່ບໍ່ດີຂຶ້ນສຸດທ້າຍກໍ່ຈາກໄປ.

    ຜູ້ທີ 11: ເພດຍິງ ອາຍຸ 26 ປີ ອາຊີບພະນັກງານເສີບອາຫານຢູ່ປະເທດໄທ ຢູ່ບ້ານດອນພູຄຳ ເມືອງມະຫາໄຊ ແຂວງຄຳມ່ວນ ຜູ້ກ່ຽວເດີນທາງກັບມາລາວ ວັນທີື3 ສິງຫາ 2021 ຜົນກວດພົບເຊື້ອໂຄວິດ-19 ໃນວັນທີ 7 ຜູ້ກ່ຽວມີໄຂ້, ໄອ, ຫາຍໃຈຝືດ ແລະ ກະວົນກະວາຍ, ຜູ້ກ່ຽວເກີດລຸກໄດ້ 5 ມື້ ແລະ ເສຍຊີວິດໃນວັນທີ 20 ສິງຫາ 2021.                                      ຜູ້ທີ 12: ເປັນເພດຊາຍ, ອາຍຸ 35 ປີ, ບ້ານນາມໍ່, ເມືອງໄຊພູທອງ ຜູ້ກ່ຽວຢູ່ສະຖານທີ່ຄຸມຂັງ, ຖືກເກັບຕົວຢ່າງ ໃນວັນທີ 23 ສິງຫາ, ຜູ້ກ່ຽວເສຍຊີວິດ ວັນທີ 24 ສິງຫາ ກ່ອນຜົນກວດວິເຄາະອອກ ໃນວັນທີ 25 ສິງຫາ 2021.                       ຜູ້ທີ 13: ເພດຊາຍ, ອາຍຸ 33 ປີ, ບ້ານ ຕາກແດດ, ເມືອງ ໄຊພູທອງ, ແຂວງສະຫວັນນະເຂດ, ປະຈຸບັນເປັນຜູ້ຖືກຂັງ ຢູ່ສະຖານຄຸມຂັງ ແຂວງສະຫວັນນະເຂດ, ເລີ້ມມີອາການ 25 ສິງຫາ 2021 ແລະ ເສຍຊີວິດໃນວັນທີ 29 ສິງຫາ 2021.       ຜູ້ທີ 14: ເພດຍິງ, ອາຍຸ 74 ປີ, ອາຊີບ ແມ່ເຮືອນ, ບ້ານ ລັດຕະລັງສີໃຕ້, ນະຄອນໄກສອນ,​ ແຂວງສະຫວັນນະເຂດ, ຜູ້ກ່ຽວມີພະຍາດປະຈໍາຕົວ ຄວາມດັນເລືອດສູງ, ເຂົ້າຮັບການປິ່ນປົວຢູ່ໂຮງໝໍ ໃນວັນທີ 27 ສິງຫາ 2021 ແລະ ເສຍຊີວິດ ໃນວັນທີ 29 ສິງຫາ 2021.                                                                                                               ຜູ້ທີ 15: ເປັນເພດຊາຍ ອາຍຸ 45 ປີ ຢູ່ບ້ານນາເມັກ ເມືອງຄົງເຊໂດນ ແຂວງສາລະວັນ ເປັນແຮງງານລາວ ທີ່ກັບມາຈາກປະເທດໄທ ວັນທີ 14 ສິງຫາ 2021 ໄດ້ກັກໂຕ ຢູ່ແຂວງສາລະວັນ ໄດ້ກວດເຊື້ອຄັ້ງທີ 1 ບໍ່ພົບເຊື້ອ. ຜູ້ກ່ຽວເປັນຄົນຕຸ້ຍເກີນມາດຕະຖານ ມາຮອດວັນທີ 3 ກັນຍາ 2021 ຜູ້ກ່ຽວໄດ້ເສຍຊີວິດ.                                                                 ຜູ້ທີ 16: ເປັນເພດຊາຍ ອາຍຸ 31 ປີ, ບ້ານ ໜອງເດີນ, ເມືອງສອງຄອນແຂວງ ສະຫວັນນະເຂດ. ຕິດເຊື້ອໃນວັນທີ 12 ສິງຫາ2021 ແລະ ໄດ້ຮັບການປິ່ນປົວ, ໄລຍະປີ່ນປົວບໍ່ມີອາການຫຍັງ ມີແຕ່ມັກເຈັບກະເພາະເປັນບາງຄັ້ງຄາວ, ຮອດວັນທີ່ 30 ສິງຫາ 2021 ມີອາການໄຂ້, ເຈັບກະເພາະຮຸນແຮງ ແຕ່ອາການຊີວິດປົກກະຕິດີ ໝໍໄດ້ໃຫ້ຢາຕາມອາການ ແລະ ບັນເທົາລົງ, ຮອດເວລາ 11:00ມ ຂອງວັນທີ່ 31 ສິງຫາ 2021 ຜູ້ກ່ຽວເມື່ອຍ, ມີຮາກອອກເລືອດ ແລະ ກະວົນກະວາຍ ອາການຊີວິດບໍ່ປົກກະຕິຄວາມດັງເລືອດສູງ 170/100, ຊີບພະຈອນ 116 ເທື່ອ, ປະລິມານອົກຊີເຊນໃນເລືອດ 77 ເປີເຊັນ, ໝໍໄດ້ໃຫ້ຢາເຊີດຊູ ຈົນຮອດເວລາ 17:25 ຄົນເຈັບເສຍຊີວິດ, ທາງແຂວງໄດ້ມ້ຽນສົບຕາມລະບຽບຫຼັກການ.

    ຜູ້ທີ 17: ເພດຍິງ 57 ປີ ອາຊີບ ປະຊາຊົນ ບ້ານໂພນໂຮງ, ເມືອງໂພນໂຮງ ແຂວງວຽງຈັນ, ຜູ້ກ່ຽວຕິດເຊື້ອຈາກໄປ ເພາະທານບ້ານໂພນຫໍທີ່ມີລາຍງານການຕິດເຊື້ອມາກ່ອນວັນທີ່ເລີ່ມເຈັບ ວັນທີ່ 26 ກັນຍາ 2011 ໃນເບື້ອງຕົ້ນ ບໍ່ມີອາການຮ້າຍແຮງ ແຕ່ຜູ້ກ່ຽວມີພະຍາດປະຈຳໂຕ ເປັນເບົາຫວານ ແລະ ຕັງຊົງ ໃນວັນທີ່ 27 ກັນຍາ 2021 ພາຍຫຼັງກວດພົບເຊື້ອໄດ້ໄປປິ່ນປົວຢູ່ໂຮງໝໍພາກສະໜາມແຂວງ ແລະ ຕໍ່ມາອາການຫາຍໃຈຍາກ ແລະ ໄດ້ໃສ່ທໍ່ຊ່ວຍຫາຍໃຈແຕ່ອາການຂອງຜູ້ກ່ຽວບໍ່ດີຂື້ນ, ວັນທີ່ 28 ກັນຍາ 2001 ຜູ້ກ່ຽວບໍ່ຕອບສະໜອງ ແລະ ເສຍຊີວິດໃນເວລາຕໍ່ມາ , ທາງແຂວງໄດ້ເຮັດພິທີສົ່ງສະການມ້ຽນສົບຕາມລະບຽບການ.

    ຜູ້ທີ 18: ເພດຊາຍ ອາຍຸ 75 ປີ ທີ່ ບ້ານແກ້ງຢ້າງ ເມືອງຫາດຊາຍຟອງ ນະຄອນຫລວງວຽງຈັນ . ເຊີ່ງວັນທີ 17 ກັນຍາ 2021 ໄດ້ມາກວດເຊື້ອຢູ່ໂຮງຫມໍມິດຕະພາບ ຍ້ອນອາການຂອງຫມາກໄຂ່ຫລັງຊຸດໂຊມ ແລະ ນອນໃນໂຮງຫມໍຮອດວັນທີ 29 ກັນຍາ 2021 ແມ່ນໄດ້ເກັບຕົວຢ່າງແມ່ນ ພົບເຊື້ອໂຄວິດ, ແຕ່ຄອບຄົວໄດ້ ເອົາພໍ່ເຖົ້າ ອອກໂຮງຫມໍ ກ່ອນຜົນກວດອອກມາ. ເນື່ອງຈາກອາການຂອງພໍ່ເຖົ້າຫນັກຫລາຍມາຮອດຕອນສວຍ ແມ່ນພໍ່ເຖົ້າກະໄດ້ເສຍຊີວິດໃນເວລາ 14:30ນາທີ ຂອງວັນທີ 29 ກັນຍາ 2021.                                                                                                         ຜູ້ທີ 19: ສໍາລັບການເສຍຊິວິດໃໝ່ ແມ່ນ ມາຈາກ ແຂວງສະຫວັນນະເຂດ, ເພດຊາຍ, ອາຍຸ 48 ປີ, ບ້ານໂພນສະຫວ່າງໃຕ້, ນະຄອນໄກສອນ ແລະ ນອນປີ່ນປົວ ຢູ່ມໍລະສຸມຂອງໂຮງໝໍແຂວງ ໃນວັນທີ 29 ກັນຍາ 2021 ໃນມື້ດຽວກັນ ໄດ້ເກັບຕົວຢ່າງກວດຫາເຊື້ອ. ມາຮອດ ເວລາ 08:00 ໂມງເຊົ້າ ຂອງວັນທີ 30 ກັນຍາ 2021 ຄອບຄົວຂໍກັບບ້ານ, ຕໍ່ມາຜູ້ກ່ຽວ ໄດ້ເສຍຊີວິດລົງ ໃນເວລາ 09:00 ໂມງຂອງມື້ດຽວກັນ ແລະ ໃນເວລາ 23:00 ໂມງ ຜົນກວດຕົວຢ່າງມາວ່າ ພົບເຊື້ອ ໂຄວິດ-19.​

    ຜູ້ເສຍຊີວິດ ທີ 20. ຂໍ້ມູນສໍາລັບຄົນທີ່ເສຍຊີວິດໃໝ່: ເພດຊາຍ, ອາຍຸ 76 ປີ, ອາຊີບ: ພະນັກງານບຳນານ , ບ້ານໂພນທັນເໜືອ, ເມືອງໄຊເສດຖາ ນະຄອນຫລວງວຽງຈັນ, ບໍ່ໄດ້ສັກຢາວັກຊີນຜູ້ກ່ຽວມີພະຍາດປະຈໍາໂຕ: ແຂນຂາອ່ອນແຮງ ເພີ່ງຕົນເອງບໍ່ໄດ້ ມາເປັນເວລາ 02 ປີແລ້ວ, ເປັນຜູ້ສໍາຜັດໃກ້ຊິດກັບກໍລະນີຕິດເຊື້ອພະຍາດໂຄວິດ (ເປັນເມຍຜູ້ກ່ຽວ) ອາຍຸ 72 ປີ, ບ້ານໂພນທັນ ເໜືອ, ເມືອງໄຊເສດຖາ, ນະຄອນຫຼວງ, ອາຊີບ: ຜູ້ເຖົ້າ ປະຈຸບັນເມຍຜູ່ກ່ຽວປິ່ນປົວຢູ່ສູນ ມຊ ດົງໂດກໃນວັນທີ 30 ກັນຍາ 2011: ມີອາການໄອ ແລະ ຫາຍໃຈຍາກ, ວັນທີ 1 ຕຸລາ 2021:ມາໂຮງໝໍ 103 ດ້ວຍອາການໄອ ແລະ ຫຼາຍຝຶດຮຸນແຮງ , ທີມແພດໄດ້ເກັບຕົວຢ່າງກວດຊອກຫາພະຍາດໂຄວິດ-19 ແລະ ໄດ້ໃຫ້ນອນເພື່ອຕິດຕາມອາການ ແລະ ລໍຖ້າຜົນກວດ ຜົນກວດອອກມາແມ່ນພົບເຊື້ອພະຍາດໂຄວິດ-19 , ແພດໝໍກໍເອົາໃຈໃສ່ຕິດຕາມອາການຢ່າງໃກ້ຊິດ ແລະ ຊ່ວຍເຊີດຊູ ທຸກວິທີທາງເພື່ອກອບກູ້ຊີວິດຜູ້ກ່ຽວແຕ່ອາການກໍຮຸນແຮງ ແລະບໍ່ດີຂຶ້ນ ຈຶ່ງບໍ່ສາມາດກອບກູ້ເອົາຊີວິດໄວ້ໄດ້ ຮອດ ເວລາ 19:20ໂມງ ຂອງມື້ດຽວກັນ.

    ຜູ້ທີ 21: ເປັນເພດຍິງ, ອາຍຸ 48 ປີ, ອາຊີບ: ຊາວນາ, ບ້ານໜອງບັກແຮດ: ເມືອງປະທຸມພອນ, ແຂວງຈຳປາສັກ. ຜູ້ກ່ຽວມີພະຍາດປະຈຳໂຕ ຄື ຄວາມດັນເລືອດສູງ ແລະ ຫອບຫືດ. ຜ່ານມາ ບໍ່ໄດ້ສັກວັກຊີນປ້ອງກັນພະຍາດໂຄວິດ-19. ຜູ້ກ່ຽວມີປະຫວັດສຳຜັດໃກ້ຊິດນຳຜູ້ຕິດເຊື້ອທີ່ເປັນເພື່ອນບ້ານ. ໃນວັນທີ 15​ ກັນຍາ 2021 ໄດ້ເກັບຕົວຢ່າງກວດຫາເຊື້ອ ແລະ ຜົນກວດພົບເຊື້ອໂຄວິດ-19 ໃນວັນທີ 16 ກັນຍາ 2021. ວັນທີ 17 ກັນຍາ 2021 ຜູ້ກ່ຽວຖືກນຳສົ່ງເຂົ້ານອນຢູ່ສະຖານທີ່ປິ່ນປົວທີ່ຖືກກຳນົດໄວ້ ແລະ ບໍ່ມີອາການສະແດງ. ໃນໄລຍະປິ່ນປົວ ອາການຂອງຜູ້ກ່ຽວຊຸດໂຊມລົງເລື້ອຍໆ ຈົນມາຮອດເວລາ 5 ໂມງເຊົ້າ ວັນທີ 27 ກັນຍາ 2021 ຜູ້ກ່ຽວໄດ້ເສຍຊີວິດລົງ.

    ຜູ້ທີ 22: ເພດຊາຍ, ອາຍຸ 84 ປີ, ອາຊີບ: ຜູ້ເຖົ້າ, ບ້ານນາມອນ,​ ເມືອງວັງວຽງ, ແຂວງວຽງຈັນ. ຜູ້ກ່ຽວມີປະຫວັດເປັນພະຍາດອັກເສບປອດເກືອບ 1​ ປີ. ຜ່ານມາ ບໍ່ໄດ້ສັກວັກຊີນປ້ອງກັນພະຍາດໂຄວິດ-19. ວັນທີ 27 ກັນຍາ 2021 ຜູ້ກ່ຽວມີອາການໄອ ແລະ ຫາຍໃຈຝຶດ ຈຶ່ງໄດ້ໄປກວດຢູ່ໂຮງໝໍ 108 ແລະ ນອນປິ່ນປົວ 4 ມື້ ແຕ່ອາການບໍ່ດີຂຶ້ນ ຈຶ່ງນຳສົ່ງມາປິ່ນປົວຢູ່ໂຮງໝໍເມືອງວັງວຽງ. ວັນທີ 1 ຕຸລາ 2021 ແພດໄດ້ເກັບຕົວຢ່າງກວດຫາເຊື້ອ. ມາຮອດເວລາ 7 ໂມງເຊົ້າຂອງວັນທີ 2 ຕຸລາ 2021 ຄົນເຈັບມີອາການຊຸດໂຊມລົງກະທັນຫັນ ແລະ ເສຍຊີວິດລົງ ໃນເວລາ 8 ໂມງເຊົ້າ. ວັນທີ 3 ຕຸລາ 2021 ຜົນກວດອອກມາວ່າ ພົບເຊື້ອ ໂຄວິດ-19.

    ຜູ້ທີ 23: ເພດຊາຍ, ອາຍຸ 74 ປີ, ບ້ານໜອງຈັນ, ເມືອງສີສັດຕະນາກ, ນະຄອນຫລວງວຽງຈັນ, ມີປະຫວັດພະຍາດປະຈຳໂຕ ແລະ ຜ່ານມາ ບໍ່ໄດ້ສັກວັກຊີນປ້ອງກັນພະຍາດໂຄວິດ-19. ຜູ້ກ່ຽວເຂົ້າມານອນປິ່ນປົວຢູ່ໂຮງເສດຖາທິຣາດ ໃນວັນທີ 20 ກັນຍາ 2021 (ຄອບຄົວຕິດເຊື້ອໝົດທຸກຄົນ). ວັນທີ 21 ກັນຍາ 2021 ມີອາການໄອ ຈຶ່ງໄດ້ເກັບຕົວຢ່າງກວດຫາເຊື້ອ ແລະ ຜົນກວດພົບເຊື້ອໂຄວິດ-19. ຜູ້ກ່ຽວນອນປິ່ນປົວຢູ່ໂຮງໝໍດັ່ງກ່າວ 15 ມື້, ​ຈົນມາຮອດວັນທີ 5 ຕຸລາ 2021 ເວລາ 15:00 ໂມງ ຜູ້ກ່ຽວໄດ້ເສຍຊີວີດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.