ໂຮງຮຽນມັດທະຍົມຕອນຕົ້ນປາກລາຍສືບຕໍ່ເອົາໃຈໃສ່ຕ້ານການແຜ່ລະບາດ ພ ະ ຍ າ ດ ໂ ຄ ວ ິ ດ

    0
    74

    ໂຮງຮຽນມັດທະຍົມຕອນຕົ້ນປາກລາຍສືບຕໍ່ເອົາໃຈໃສ່ຕ້ານການແຜ່ລະບາດພະຍາດໂຄວິດ ໂຮງຮຽນມັດທະຍົມຕອນຕົ້ນປາກລາຍເມືອງປາກລາຍແຂວງໄຊຍະບູລີເປັນອີກໜຶ່ງໂຮງຮຽນທີ່ເອົາໃຈໃສ່ປະຕິບັດຕາມແຈ້ງການຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ 19 ໃນແຕ່ລະໄລຍະໄດ້ດີພໍສົມຄວນ.ທ່ານ ນາງ ທອງຂັບ ສີປະເສີດ ຜູ້ອໍານວຍການໂຮງຮຽນໂຮງຮຽນມັດທະ ຍົມຕອນຕົ້ນປາກລາຍເມືອງປາກລາຍແຂວງໄຊຍະບູລີ ໄດ້ລາຍງານຕໍ່ສື່ມວນຊົນ ໃນວັນທີ 22

    ກັນຍາ 2021 ນີ້ວ່າ ຜ່ານມາໂຮງຮຽນມັດທະຍົມຕອນຕົ້ນປາກລາຍ ໄດ້ປະຕິບັດຕາມມາດຕະການ ແລະ ແຈ້ງການໃນແຕ່ລະໄລຍະ ທີ່ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແພ່ລະບາດຂອງພະຍາດໂຄວິດ 19 ວາງອອກຢ່າງເຂັ້ມງວດ ເປັນຕົ້ນ ແມ່ນໄດ້ມີການປິດການຮຽນ- ການສອນ ໃນໄລຍະທີ່ມີການແຜ່ລະບາດ ຕັ້ງແຕ່ວັນທີ 22 ມີນາ 2020 ໃນການພັກຮຽນກໍ່ໄດ້ເນັ້ນໃຫ້ນັກຮຽນເຮັດວຽກບ້ານຢູ່ເຮືອນເປັນຈຳນວນຫຼາຍ ເນື່ອງຈາກວ່າການຮຽນຜ່ານສື່ອອນລາຍແມ່ຍັງພົບຄວາມ

    ຫຍຸ້ງຍາກ ຍ້ອນບໍ່ມີເຄື່ອງມືໃນການຮຽນອອນລາຍ. ຈົນມາເຖິງຕົ້ນເດືອນ ມິຖຸນາ ກໍ່ໄດ້ມີການທະຍອຍເປີດການຮຽນ-ການສອນຄືນ ໃນໄລຍະຕໍ່ມາ,ທ່ານ ຜູ້ອຳນວຍການໂຮງຮຽນ ມັດທະຍົມຕອນຕົ້ນປາກລາຍກ່າວຕື່ມວ່າ:ໂດຍໄດ້ມີການປັບປຸງ, ເຮັດຄວາມສະອາດອາຄານສະຖານທີ່, ຫ້ອງຮຽນ, ໂຕະ, ຕັ່ງ, ອັນສຳຄັນໄດ້ຈັດຊຸດຝຶກອົບຮົມ, ຍົກລະດັບຄວາມຮູ້ ໃຫ້ຄູ-ອາ ຈານ ແລະ ອື່ນໆ ເພື່ອສ້າງຄວາມເຂັ້ມແຂງ ໃຫ້ແກ່ໂຮງຮຽນ ກໍຄື ການເປີດສົກຮຽນໃໝ່ໃຫ້ ມີບັນຍາການອັນຟົດຟື້ນ, ຮັກສາໄດ້ຄວາມເປັນ

    ລະບຽບຮຽບຮ້ອຍ, ສະຫງົບ, ປອດໄພ ແລະ ດຳເນີນການຮຽນ-ການສອນ ໃຫ້ບັນລຸຕາມຄາດໝາຍທີ່ວາງໄວ. ໄດ້ປະຕິບັດຕາມລະບຽບຢ່າງເຄັ່ງຄັດ ທັງຄູສອນ ແລະ ນັກຮຽນ ໂດຍສະເພາະແມ່ນ ການໃສ່ຜ້າປິດປາກ-ດັງ, ການລ້າງມືໃຫ້ສະອາດດ້ວຍເຈ່ວລ້າງມື ແລະ ການຮັກສາໄລຍະຫ່າງ ຂອງນັກ ຮຽນ ເພື່ອເປັນການປ້ອງກັນພະຍາດໂຄວິດ-19 ເຂົ້າສູ່ຕົນເອງ ແລະ ຄົນອ້ອມຂ້າງ. ພ້ອມດຽວກັນນີ້ ທາງໂຮງຮຽນກໍ່ໄດ້ເຮັດໜັງສືແຈ້ງເຖິງອຳນາດການປົກຄອງບ້ານ ບໍລິເວນໃກ້ຄຽງ ເຖິງພໍ່ແມ່ຜູ້ປົກ ຄອງ ໃຫ້

    ເອົາໃຈໃສ່ລູກຫຼານ ໃນໄລຍະທີ່ມີການແຜ່ລະບາດ ສັງເກດເຫັນວ່າ ທັງຜູ້ປົກຄອງ ແລະ ນັກຮຽນ ໃຫ້ການຮ່ວມມື ແລະ ເອົາໃຈໃສ່ປະຕິບັດຕາມເປັນຢ່າງດີ.ຜ່ານການສຳພາດນັກຮຽນແມ່ນໄດ້ຮູ້ວ່າ ນັກຮຽນສ່ວນຫຼາຍ ບໍລິໂພກຂໍ້ມູນຂ່າວສານຜ່ານສື່ສັງຄົມອອນລາຍ ແລະ ໂທລະພາບ ເຊິ່ງມີຄວາມຕື່ນຕົວໃນການຮັກສາອະນາໄມຕົນເອງ ໂດຍການໃສ່ຜ້າອັດປາກ-ດັງ, ການລ້າງມືໃຫ້ສະອາດດ້ວຍເຈ່ວລ້າງມືຫຼັງຈາກເຮັດກິດຈະກຳຕ່າງໆ, ການຮັກສາໄລຍະຫ່າງຈາກໝູ່ 2 ແມັດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.