ແຈ້ງໃໝ່ລ່າສຸດ…!!! ແຈ້ງເຕືອນ ພາຍຸເຂດຮ້ອນ ໂກນເຊິນ ສະບັບທີ 4 ອ່ອນກໍາລັງລົງເປັນ ພາຍຸດີເປູເຊິນ ຂໍໃຫ້ທຸກຄົນກຽມພ້ອມຮັບມື

    0
    86

    ລົມພາຍຸເຂດຮ້ອນ ໂກນເຊິນ ຫົວທີ 13 ໄດ້ອ່ອນກໍາລັງລົງເປັນ ພາຍຸດີເປູເຊິນ ຊຶ່ງໃນຕອນເຊົ້າ ຂອງ ວັນທີ 12 ກັນຍາ 2021 ເວລາ 07 ໂມງ 00 ມີຈຸດສູນກາງຢູ່ເສັ້ນຂະຫນານທີ 15,0 ອົງສາເຫນືອ ແລະ ເສັ້ນແວງທີ 109,0ອົງສາຕາເວັນອອກ ແລະ

    ຍັງສືບຕໍ່ເຄື່ອນທີ່ມາທາງທິດຕາເວັນຕົກ-ຕາເວັນຕົກສ່ຽງໃຕ້ຢ່າງຊ້າໆ ແລະ ພາຍຸຫົວນີ້ຍັງ ເຄື່ອນທີ່ຢູ່ທາງພາກກາງຕອນເທິງຂອງປະເທດ ສສ ຫວຽດນາມ ແລະ ຈະເຄື່ອນທີ່ຜ່ານພາກກາງ ຫາ ພາກໃຕ້ ຂອງ ສປປ ລາວ ໃນໄລຍະວັນທີ 12 ຫາ 13 ກັນຍາ 2021 ນີ້, ຊຶ່ງຈະສົ່ງຜົນກະທົບຕໍ່ສະພາບອາກາດໃນ ສປປ ລາວ ດັ່ງນີ້:

    + ໄລຍະວັນທີ 12 – 13 ກັນຍາ 2021: ຈະມີຝົນຕົກຫນັກ ແລະ ລົມພັດແຮງ ຢູ່ເຂດພາກກາງ ແລະ ພາກໃຕ້
    + ໄລຍະວັນທີ 13 – 14 ກັນຍາ 2021: ຈະມີຝົນຕົກປານກາງ ຫາ ຫນັກ ແລະ ລົມພັດແຮງ ຢູ່ເຂດພາກກາງ ແລະ ພາກເຫນືອ

    ດັ່ງນັ້ນ, ຈຶ່ງແຈ້ງເຕືອນເຖີງອໍານາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າທີ່ອາໄສຢູ່ບັນດາ ແຂວງ ສາລະວັນ, ຈໍາປາສັກ, ອັດຕະປື, ເຊກອງ, ບໍ່ແກ້ວ, ຫຼວງນ້ໍາທາ, ໄຊສົມບູນ, ໄຊຍະບູລີ, ວຽງຈັນ, ນະຄອນຫຼວງວຽງຈັນ, ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ.

    ຈົ່ງມີສະຕິລະມັດລະວັງຕໍ່ສະພາບລົມພັດແຮງ, ດິນເຈື່ອນ, ນໍ້າຖ້ວມຊ ແລະ ນ້ໍາຖ້ວມຍິ່ງ ທີ່ຈະເກີດຂື້ນໄດ້ໃນໄລຍະນີ້ ພ້ອມທັງກະກຽມ ຍົກຍ້າຍວັດຖຸສິ່ງຂອງທີ່ ມີຄ່າ ແລະ ສັດລ້ຽງໄປໄວ້ບ່ອນທີສູງ ແລະ ປອດໄພ

    ຂໍໃຫ້ທຸກທ່ານຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ໃນໄລຍະ 1 ຫາ 3 ວັນຕໍ່ໜ້າ ແລະ ເປັນປະຈຳ

    ເອກະສານແຈ້ງການ:

    ທີ່ມາ:ກົມອຸຕຸ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.