ລາວເຮົາຍັງສາມາດຮອງຮັບຕື່ມອີກ 22.406 ຄົນສຳລັບສູນຈຳກັດທົ່ວປະເທດ

    0
    158

    ໃນທ່າມກາງການລະບາດຂອງພະຍາດໂຄວິດ-19 ສູນຈຳກັດບໍລິເວນແມ່ນມີຄວາມສຳຄັນຫຼາຍ ເນື່ອງຈາກແຕ່ລະມື້ມີແຮງງານກັບຄືນບ້ານເກີດເມືອງນອນໃນຕົວເລກບໍ່ໜ້ອຍເລີຍ ແລະພວກເພິ່ນເຫຼົ່ານັ້ນຕ້ອງໄດ້ຈຳກັດບໍລິເວນຢ່າງໜ້ອນ 14 ວັນກ່ອນກັບຄືນສູ່ບ້ານເຮືອນ ສະນັ້ນ, ເພື່ອຮອງຮັບແຮງງານລາວທີ່ຍັງຄ້າງຢູ່ຕ່າງປະເທດ ແລະທຸກຄົນຈະເຂົ້າມາປະເທດເຮົາໃຫ້ໄດ້ຫຼາຍທີ່ສຸດ ທາງຄະນະສະເພາະກິດໃນທົ່ວປະເທດແມ່ນໄດ້ມີການຂະຫຍາຍສູນໄປໃນແຕ່ລະບ່ອນຕາມຄວາມເໝາະສົມ ແລະ ມາຮອດປັດຈຸບັນລາວມີສູນຈຳກັດບໍລິເວນຢູ່ທີ່: 106 ສູນ ແລະ 51 ໂຮງແຮມ.


    ວັນທີ 19 ສິງຫາ ປີ 2021. ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ລາຍງານວ່າ: ມາຮອດມື້ນີ້ທົ່ວປະເທດ ມີສູນຈຳກັດບໍລິເວນ ທີ່ຍັງເປີດຢູ່ 106 ສູນ ແລະ 51 ໂຮງແຮມ, ມີຜູ້ຈຳກັດບໍລິເວນ 12.079 ຄົນ ແລະ ຍັງສາມາດຮອງຮັບໄດ້ຕື່ມອີກ 22.406 ຄົນ, ໃນນັ້ນ ສູນແມ່ນ 15.025 ຄົນ ແລະ ໂຮງແຮມ 7.381 ຄົນ.

    />
    ສະເພາະຕົວເລກຜູ້ຈໍາກັດບໍລິເວນສະສົມ ທົ່ວປະເທດ ນັບແຕ່ວັນທີ 01 ມັງກອນ 2021 ຮອດປະຈຸບັນ ມີ 84.543 ຄົນ ເຊິ່ງຖືວ່າເປັນຕົວເລກທີ່ຂ້ອນຂ້າງຈະສູງ ແຕ່ກໍ່ຍັງມີສະຖານທີ່ຄວາມພຽງພໍທີ່ຈະຮອງຮັບຢູ່ ໂດຍໃນວັນທີ 18 ສິງຫາ 2021 ມີຜູ້ເດີນທາງ ຫຼື ແຮງງານທີ່ກັບຈາກປະເທດໃກ້ຄຽງຜ່ານເຂົ້າມາຕາມດ່ານຕ່າງໆ ໃນສປປ ລາວ ທັງໝົດ 2.178 ຄົນ, ໄດ້ຖືກເກັບຕົວຢ່າງ ແລະ ນຳສົ່ງເຂົ້າສູນຈຳກັດບໍລິເວນ ທີ່ຄະນະສະເພາະກິດກຳນົດໄວ້.


    ສຳລັບການກວດຫາເຊື້ອໂຄວິດ-19 ຫຼ້າສຸດຄືວັນທີ 18 ສິງຫາໄດ້ເກັບຕົວຢ່າງມາກວດວິເຄາະທັງໝົດ 2.456 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 284 ຄົນ ເຊິ່ງ ແລະ ຍັງມີຕິດເຊື້ອໃນຊຸມຊົນ 19 ຄົນ ເປັນຜູ້ສຳຜັດໃກ້ຊິດນຳຜູ້ຕິດເຊື້ອທີ່ຜ່ານມາ ຄື:ບໍ່ແກ້ວ (ເມືອງຕົ້ນເຜິ້ງ) 2 ຄົນສະຫວັນນະເຂດ 17 ຄົນ ສ່ວນ ກໍລະນີນໍາເຂົ້າ ມີ 265 ຄົນ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.