ທະຍອຍຈັດສົ່ງເຂົ້າປາອາຫານໃຫ້ແຮງງານ ໃນເຂດເສດຖະກິດສາມຫຼ່ຽມຄຳ

    0
    69

    ເຂດເສດຖະກິດສາມຫຼ່ຽມຄຳ ກໍ່ຖືວ່າໄດ້ແຈ້ງ ລັອກດາວເປັນທີ່ຮຽບຮ້ອຍແລ້ວ ຫຼັງເກີດການລະບາດຂອງພະຍາດໂຄວີດ-19 ໃນຊຸມຊົນ ແຕ່ຄືດັ່ງທີ່ຮູ້ກັນວ່າ ພາຍໃນເຂດດັ່ງກ່າວ ແມ່ນມີຈຳນວນແຮງງານຈຳນວນບໍ່ໜ້ອຍທີ່ອາໄສຢູ່ ທັງແຮງງານລາວເຮົາເອງ ແລະ ຈາກມຽນມາ ແລະ ສັນຊາດອື່ນ ເຮັດໃຫ້ແຮງງານເຫຼົ່ານັ້ນພົບບັນຫາອາຫານການກິນຂາດແຄນ ແລະອອກມາຮຽກຮ້ອງຫວ່າງບໍ່ດົນມານີ້.

    ເພື່ອແກ້ໄຂສຸກເສີນ ໃນຕອນເຊົ້າວັນທີ 09 ສິງຫາ 2021 ທີ່ຜ່ານມາ ທ່ານ ເພັງສອນ ແກ້ວວິໄລ ຮອງເລຂາພັກແຂວງບໍ່ແກ້ວ ຜູ້ຊີ້ນຳວຽກງານ ພັກ-ພະນັກງານ, ໄດ້ລົງຢ້ຽມຢາມ ແລະນຳເອົາເຂົ້າສານອາຫານແຫ້ງ ຈຳນວນໜຶ່ງ ມູນຄ່າ 44.580.000 ກີບ ໃຫ້ກັບເຂດເສດຖະກິດພິເສດ ສາມຫຼ່ຽມຄຳ, ເພື່ອນຳໄປມອບຕໍ່ໃຫ້ແຮງງານທີ່ອາໄສຢູ່ພາຍໃນເຂດເສດຖະກິດພິເສດ ສາມຫຼ່ຽມຄຳ.

    ການລົງຢ້ຽມຢາມເຮັດວຽກໃນຄັ້ງນີ້ຂອງທ່ານຮອງເລຂາພັກແຂວງບໍ່ພຽງນຳເຂົ້າສານອາຫານແຫ້ງໄປຊ່ວຍແຮງງານເທົ່ານັ້ນ ແຕ່ຍັງເປັນການໃຫ້ກຳລັງໃຈຊ່ວຍແບ່ງເບົາ, ພ້ອມໃຫ້ຄຳແນະນຳກັບແຮງງານ ກ່ຽວກັບວິທີການປ້ອງກັນໂຕເອງ ຈາກເຊື້ອພະຍາດດໂຄວິດ-19 ຕື່ມອີກ.


    ແລະແຮງງານເຫຼົ່ານັ້ນຍັງຕ້ອງການຄວາມຊ່ວຍເຫຼືອຫຼາຍຢ່າງ ຖ້າຫາກພາກສ່ວນໃດທີ່ຕ້ອງການຢາກຊ່ວຍເຫຼືອພວກເຂົາແມ່ນສາມາດຕິດຕໍ່ກັບຄະນະສະເພາະກິດ ທີ່ຮັບຜິດຊອບໃນເຂດດັ່ງກ່າວ ຕາມເບີໂທລະສັບດ້ານລຸ່ມນີ້:
    020 23653656
    020 55787983
    020 22381221
    020 55400666
    (ໜ່ວຍງານຄຸ້ມຄອງແຮງງານ ແລະ ສະໜອງສະບຽງອາຫານ)

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.