ປະຕູຂອງ ພາທຣິກ ຊິກ ຄວ້າລາງວັນປະຕູດີເດັ່ນໃນ ຢູໂຣ 2020 ຍິງຈາກເຄິ່ງສະໜາມ

    0
    485

    ສະຫະພັນບານເຕະເອີຣົບ ( ຢູຟາ ) ປະກາດລາງວັນປະຕູດີເດັ່ນປະຈໍາການແຂ່ງຂັນ ຢູໂຣ 2020 ປາກົດວ່າ: ລາງວັນດັ່ງກ່າວຕົກເປັນຂອງ ພາທຣິກ ຊິກ ກອງໜ້າຕົວເປົ້າຂອງທີມຊາດສາທາລະນະລັດເຊັກ ເຊິ່ງປະຕູດັ່ງກ່າວເກີດຂຶ້ນໃນນັດທີ່ ສາທາະລະນະລັດເຊັກ ເອົາຊະນະ ສະກ໊ອດແລນ 2-0 ໃນຮອບແບ່ງກຸ່ມ ຊິກ ຍິງດ້ວຍຊ້າຍໄລຍະປະມານເຄິ່ງສະໜາມບານຂ້າມຫົວຜູ້ຮັກສາປະຕູ ສະກ໊ອດແລນ ເຂົ້າໄປຢ່າງສວຍງາມ.

    ພາທຣິກ ຊິກ ສ້າງຜົນງານຢ່າງໂດດເດັ່ນໃນການແຂ່ງຂັນບານເຕະຢູໂຣ 2020 ດ້ວຍການຍິງໄປ 5 ປະຕູຊ່ວຍໃຫ້ ສາທາລະນະລັດເຊັກ ຜ່ານເຂົ້າເຖິງຮອບ 8 ທີມສຸດທ້າຍ ກ່ອນເສຍໃຫກັບ ທີມຊາດດານມາກ 1-2, ເຊິ່ງຍິງໄດ້ 5 ປະຕູເທົ່າກັບ ໂຣນັລໂດ, ແຕ່ ໂຣນັລໂດ ຄວ້າລາງວັນດາວຍິງສູງສຸດປະຈໍາການແຂ່ງຂັນໄປຄອງ ເນື່ອງຈາກ ໂຣນັລໂດ ຍິງໄປ 5 ປະຕູ ແລະ ສົ່ງບານໃຫ້ເພື່ອນຮ່ວມທີມຍິງອີກ 1 ປະຕູ.

    ສໍາລັບ ປະຕູຂອງ ຊິກ ໄດ້ຮັບສຽງໂຫວດຫຼາຍກວ່າ 800.000 ສຽງ ຫຼັງຈາກທີ່ ສະຫະພັນບານເຕະເອີຣົບ ເປີດໃຫ້ໂຫວດຜ່ານທາງໂຊຊຽລມີເດຍຂອງ ສະຫະພັນບານເຕະເອີຣົບ ຫຼື ຢູຟາ.

    [wpcc-iframe loading=”lazy” title=”YouTube video player” src=”https://www.youtube.com/embed/eIemYBtqmwQ” width=”560″ height=”315″ frameborder=”0″ allowfullscreen=”allowfullscreen”]

    ຮູບຈາກ: AP

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.