ແຂວງບໍ່ແກ້ວ​ ແຈ້ງເພີ່ມທະວີເອົາໃຈໃສ່ເຝົ້າລະວັງການລັກລອບເຂົ້າ-ອອກເມືອງ ຕາມຊາຍແດນລາວ-ໄທ,​ລາວ-ມຽນມາ

    0
    79

    ແຂວງບໍ່ແກ້ວ​ ແຈ້ງເພີ່ມທະວີເອົາໃຈໃສ່ເຝົ້າລະວັງການລັກລອບເຂົ້າ-ອອກເມືອງ ຕາມຊາຍແດນລາວ-ໄທ,​ລາວ-ມຽນມາອີງຕາມຜົນການປະເມີນສະພາບການລະບາດຂອງພະຍາດ ໂ ຄ ວ ິ ດ ແລະ ການຈັດຕັ້ງປະຕິບັດບັນດາມາດຕະການຕ່າງໆ ທີ່ໄດ້ວາງອອກເຫັນວ່າ ແຂວງບໍ່ແກ້ວ ຍັງສາມາດປ້ອງກັນ, ຄວບຄຸມ ແລະ ແກ້ໄຂການ
    ລະບາດຂອງເຊື້ອພະຍາດໂຄວິດ-19 ໄດ້, ຮອດປະຈຸບັນ ຜ່ານການກວດກາສະຫຼຸບຕີລາຄາແລ້ວ ບໍ່ພົບມີຜູ້ຕິດເຊື້ອແລ້ວພາຍໃນແຂວງ ເປັນເວລາໜຶ່ງເດືອນແລ້ວ ແລະ

    ມາດສາມາດປິ່ນປົວຜູ້ທີ່ຕິດເຊື້ອໃນໄລຍະຜ່ານມາດີແລ້ວທັງໝົດ, ບໍ່ມີຜູ້ເສຍຊີວິດ, ແຕ່ເຖິງຢ່າງໃດກໍ່ຕາມ, ຢູ່ບັນດາປະເທດໃກ້ຄຽງພວກເຮົາ ຍັງປະເຊີນໜ້າກັບການລະບາດຮອບໃຫມ່, ມີຜູ້ຕິດເຊື້ອເພີ່ມຂຶ້ນໃນແຕ່ລະວັນ, ໃນນັ້ນ ຍັງພົບເຫັນພະຍາດໂຄວິດ-19 ສາຍພັນໃຫມ່ ( ເດວຕາ ) ທີ່ສາມາດແຜ່ເຊື້ອໄດ້ໄວ ແລະ ຢູ່ພາຍໃນປະເທດເຮົາ ກໍ່ພົບຜູ້ຕິດເຊື້ອສາຍພັນໃໝ່ ເດວຕາຊຶ່ງຍັງເປັນກໍລະນີນໍາເຂົ້າແຮງງານລາວ, ຕໍ່ສະພາບການດັ່ງກ່າວ ເຫັນວ່າຍັງມີຄວາມສ່ຽງສູງ ທີ່ຈະເກີດມີການແຜ່ລະບາດໃນຮອບໃໝ່.​

    ສະນັ້ນ,​ ໃຫ້ບັນດາທ່ານເຈົ້າເມືອງ ກະກຽມຄວາມພ້ອມຮອບດ້ານໃນເຝົ້າລະວັງ, ລາດຕາເວນ ຕາມເຂດຊາຍແດນ ຢ່າງເຂັ້ມງວດ ເພື່ອສະກັດກັ້ນການລັກລອບເຂົ້າ-ອອກເມືອງ ທີ່ຜິດກົດໝາຍ ໂດຍສະເພາະຢູ່ບັນດາຊາຍແດນທີ່ຕິດກັບປະເທດເພື່ອນບ້ານ ( ໄທ ແລະ ມຽນມາ ) ຂອບເຂດຊາຍແດນ ທີ່ລຽບຕາມແຄມແມ່ນໍ້າຂອງ ແຕ່ເມືອງປາກທາ-ເມືອງຫ້ວຍຊາຍ-ເມືອງຕົ້ນເຜິ້ງ-ເມືອງເມິງ, ໃຫ້ຮັກສາສອງກອງກໍາລັງ​ ປກຊ-ປກສ ທີ່ປະຈໍາຢູ່ຕາມຊາຍແດນ ຜັດປ່ຽນກໍາລັງປະຈໍາການ

    ເຮັດໜ້າທີ່ ຕິດຕາມກວດກາເປັນປະຈໍາ​ ແລະ ຕໍ່ເນື່ອງ.​ ນອກຈາກ ສອງກຳລັງດັ່ງກ່າວນີ້ແລ້ວ,​ ໃຫ້ບັນດາທ່ານເຈົ້າເມືອງ ແຕ່ງຕັ້ງໜ່ວຍລາດຕະເວນເພີ່ມຮ່ວມກັບກຸ່ມບ້ານ, ອໍານາດການປົກຄອງບ້ານ ແລະ ຄະນະສະເພາະກິດຂອງເມືອງ ເພື່ອລົງກວດກາ ລາດຕະເວນຕາມແຄມແມ່ນ້ຳຂອງເປັນຕົ້ນ: ກວດກາເຮືອກາບນ້ອຍ ທີ່ອອກໄປຫາປາໃນແຕ່ລະວັນ ແລະ ອື່ນໆທີ່ເຫັນວ່າ: ມີການເຄື່ອນໄຫວບໍ່ຖຶກຕ້ອງ ລະເມີດລະບຽບກົດໝາຍ ແລະ ແຈ້ງການສະບັບເລກທີ 651/ຫວຂ.ບກ, ລົງວັນທີ 05 ກໍລະກົດ 2021 ແມ່ນໃຫ້ຕໍາເນີນມາດຕະການຕາມກົດຫມາຍຢ່າງເຂັ້ມງວດ.

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.